پاییزیدی سن گئدنده،
سازاخ اسیب، خزللری اوینادیردی،
یاناخلاریم شاماما تک، شاخدالیخدا قیزاریردی،
سویوخ یئلین قاباغیندا عریان تیترین آغاشلار
سیزیلدایب آغلایردی.
چمنلیخلر سارالمیشدی سن گئدنده،
خزلیخده یول گئدرکن، افقلارا من باخیردیم،
اوزون یولون آرخاسیندان یواش یواش یول گئدیردیم،
پاییزیدی سن گئدنده.
گؤزلریمن قاباغیندا افق لارا سن قاریشدین، یئل اسنده
پاییزیدی سن گئدنده.
هیچ بیلمه دین شاخدالیخدا نه لر چکدیم،
نه لر گؤردوم قار بوراندا آدالاردا،
بوز دونداریب جان آلاندا بیر تک سنی دوشونوردوم.
بولوتلارین آراخاسیندان،
قار بوراندا آزمیش قوشلار سس وئریرلر
"گلمیه جاخ"
قلبیم دؤیور، گؤزوم باخیر قار بوراندا اوزاخلارا،
پاییزیدی سن گئدنده.
سازاخ اسیب، خزللری اوینادیردی،
یاناخلاریم شاماما تک، شاخدالیخدا قیزاریردی،
سویوخ یئلین قاباغیندا عریان تیترین آغاشلار
سیزیلدایب آغلایردی.
چمنلیخلر سارالمیشدی سن گئدنده،
خزلیخده یول گئدرکن، افقلارا من باخیردیم،
اوزون یولون آرخاسیندان یواش یواش یول گئدیردیم،
پاییزیدی سن گئدنده.
گؤزلریمن قاباغیندا افق لارا سن قاریشدین، یئل اسنده
پاییزیدی سن گئدنده.
هیچ بیلمه دین شاخدالیخدا نه لر چکدیم،
نه لر گؤردوم قار بوراندا آدالاردا،
بوز دونداریب جان آلاندا بیر تک سنی دوشونوردوم.
بولوتلارین آراخاسیندان،
قار بوراندا آزمیش قوشلار سس وئریرلر
"گلمیه جاخ"
قلبیم دؤیور، گؤزوم باخیر قار بوراندا اوزاخلارا،
پاییزیدی سن گئدنده.
No comments:
Post a Comment