گؤزلوکسوز دونیا

نیگار خیاوی

گؤزلویونو ایتیریب دونیا اؤز ایشینده دئییل
سوخولور بؤیرومه بورنویلا، بوینوزویلا
آراق چکیرم باشیما یورغانی چکیرم سو کیمی
دوداغیما گولوشو ساتین آلماغا دوکان هانی؟
بول تاماتلی ماکارنا دمله‌دیم تئلویزیونا زیلله‌نن گؤزسوز اوشاغیما
قونداغینا توفنگ دویومله‌دیم
فداکار آنایام چونکو
آمان چکیرم، بو میکروبفونلار الیندن آمان!

غزه

نیگار خیاوی

جناب نوبئل باریش موکافاتی !
بوگون ناهارا غزه‌نین جنازه‌لرینی سئیر ائده-ائده باسدیرما پیلوو یئدیک
بیر گؤزوموز تئلویزیونا باخدی
بیر گؤزوموز قاشیغیمیزین اَتینی عیارلادی
سونرا مدنی فیقور ایلا باشیمیزی توولادیق انسانجاسینا
بومبالارین ویییلتیسی و تانکالارین ویژیلتی‌یلا قیژیلداماسی

کیم آناجاق فریدونی؟

نیگار خیاوی

تئلی آینا داراقلی
یاخاسی قیزیل گوللو
کؤینه‌‌یی آغ فوقولو فارا
بئله‌جه گلدی گئتدی اؤلوم
اونون آغیللی رؤیاسینا
قاپیلاردان کئچیب گئدیر مایوس
آلتمیش آلتی خزل۲۱جی گون
پنجره لردن آسیلیر قیرمیزی منده
قات قات آسیلیر آلاتوران پرده
نئجه دولانمیر بیرجه ایشیق توزو بو آچماز سحرده
دولانیریق

گئتمه گئدک، اورمو گؤلو!‏

نیگار خیاوی
اورمونون شاعیر گؤلونه سونولور!‏
‏1392 / مرداد/ 17‏

NİGAR XİAVİ
URMU GÖLÜ
Urmunun şair gölünə sunulur!‎
(Yay 2013)