آذربایجان شعرینین اساس ژانرلارى

پروفئسور جعفر جعفروف

Prof. Cəfər Cəfərov
AZƏRBAYCAN ŞEİRİNİN ƏSAS JANRLARI
İnsanın ilk söz sənəti əmək prosesinde əməklə əlqədar olaraq yaranmış nəğmələrdən ibarətdir.

خالق شعرى ژانرلارى
اینسانین ایلک سؤز صنعتی امک پروسئسینده امکله علاقه‌دار اولاراق یارانمیش نغمه‌لردن عیبارتدیر. اوللر بسیط اولان بو ‏نغمه‌لر تدریجن اینکیشاف ائتمیش و تکمیل‌لشمیشدیر. جمعیت اینکیشافینین ایبتیدایی دؤورونده یارانان نغمه‌لرده سؤزون معنا ‏جهتیندن داها چوخ، ایشین ریتمیندن عمله گلن مئلودییایا اهمیت وئریلمیشدیر. بو نغمه‌لرین سورعتله اینکیشاف ائدیب ‏تکمیل‌لشمه‌سینین اساس سببی اونلارین ایشی ایشچییه سئودیرمه‌سی، سفربر ائتمه‌سی، ایشچینین زحمتینی یونگوللشدیرمه‌سی ‏اولموشدور.‏