اصیل "کودتا" تازا باشلاماقدادیر!

درویش اوغلو

اعدام حؤکمونو قانونلاشدیرماق اوچون ایکی آیاغینی بیر باشماغا سوخان بیگ، هانسی انگیزه دن حرکت ائتمکده دیر؟ اعدام حؤکمونو قانونلاشدیرسا، کیملری اعدام ائتدیرجک؟ اعدام حؤکمونو قانونلاشدیرابیلمه مه سی اؤزونون اعدام حؤکمونون صادر اولماسی آنلامیندا دگیل می؟  کئچن ایکی گونده یالنیز دؤلت آپاراتیندان، قضائی اورگاندان و اوردودان توتولان آلتی مین نفرین آخماقدان، پاخمادان فیلاندان اولدوغونو مو ظن ائدیر بو آدام؟ بو آداملارین بو توپلومدا سؤزو کئچدیگی هئچ بیر طرفداری اولمادیغینی می ظن ائدیر بو آدام؟ بو آداملار اعدام اولونمازسالار، اؤز حقلرینده اعدام حؤکمو چیخارتماق اوچون ایکی آیاغینی بیر باشماغا سوخان آدامی یاشادیرلار می؟ یوخسا دوغرودان دا ایندیه قدر بو دؤلت، بو "عدلیه باکانلیغی" بو اوردو، بو اداری دستگاه، یالنیز آخماقلار، پخمه لر و کیمسه سیزلر طرفیندن اداره اولونورموش. بو "خائین" لری دوستاقلاردا ییغان، ایشدن چیخاردان و اعدام اولونمالاری اوچون اعدام حؤکمونو قانونلاشدیرماق یولوندا ایکی آیاغینی بیر باشماغا سوخان بیگ، بونلارین دولت دستگاهینداکی رولونو هانسی "قهرمان" لارا وئرجک؟

اجتماعی شیزوفرنی

درویش اوغلو

کئچنلرده "اجتماعی مازوشیزم" آدی آلتیندا بیر یازی قویموشدوم فیس بوکومدا. عینی زاماندا بو یازی "سورگونده گونئی آذربایجان قلم انجمنی" نین اینترنت صفحه سینده و "آزوح" اینترنت صفحه سینده یاییلدی. بو یازدیدا روحسال بیر خستلیگین اؤزونو بیرئیسل (فردی) و کولکتیو (اجتماعی) شکیللرده گؤستره بیلدیگینی آچیقلاماغا چالیشمیشدیم. بو گؤرونگه (فنومن) یالنیز مازوشیزم ایله خلاصه اولمور. روحی خستلیکلرین هامیسی بئله دیر. دئملی نویروز، پسیکوز، شخصیتی انحرافلار، اجبار خستلیکلری، شیزوفرنی و ...... هر روحی خستلیک بیرئیسل بویوت (بُعد) دا گؤرندوگو کیمی کولکتیو بویوتدا دا گؤرونه بیلر.

روح ساغالتیجیلیقدا اینجه لیکلر- 3

ابوالفضل جورابچی (درویش اوغلو)

بو یازینین اؤنجه کی بؤلوملرینی اوخوموش اولسانیز،  بو بؤلومو داها یاخشی آنلایابیلرسیز

 بیرئی سل (فردی) روحون استروکترو:

1- دوغوم اؤنجه سی

شخصین بیرئی سل روح استروکتورو، آرخائیش و کلکتیو روح استروکتورونون اوستونده قورولموش بیر بیلگی سیستمی دیر. بیلگی سایار سیستمینده پروگراملارین اوپئریتینگ بیلگی سیستمینین اوستونده قورولدوغو ایله قیاسلاماق اولاغان دیر( ممکن دیر). بیرئی ین روح استروکتورو، بیرئی سل یاشامیندا ییغدیغی بیلگیلردن اولوشموش دور.

پاشا ساری خانلی

درویش اوغلو

سوئدین استکهلم شهرینده یاشایان حؤرمتلی دیلداشیمیز پاشا ساری خانلی نئچه ایللرجه زحمت چکیب آذربایجان تورکجه سینده  یاراتدیغی شعرلرینی 2014 ایلینده "یئنیدن دوغوش" آدلی کیتابینده نشر ائتمیشدیر. بو کتاب لاتین الف – با سیندا یازییلیبدیر و استکهلم شهرینده چاپ و نشر اولوبدور. دیلداشیمیز پاشا ساری خانلی نین اجازه سی ایله بو دگرلی شعر توپلوسونو دیلداشلاریمیزا و آیدینلاریمزا تانیتماقدان غرور دویورام و بوکیتابدان ایلک شعر اولاراق، کتابین جلدینده اولان شعری جلدین شکلی و بو قیسسا تانیتما ایله بیرلیکده اینترنت صفحه میزده یایماغینیزی ایسته ییرم (خواهش ائدیرم)

یالنیز

درویش اوغلو

یالنیزلیغیمدا

گئجه لری اولدوزلاری سایار،

گوندوزلری آغاجلارین کؤلگه سینی اؤلچه رم.

آغلاسام کیمسه قیناماز،

قارا بایرام

درویش اوغلو

فرخنده، باجیم، بیلمه ییرسن جهل و جهالت

انسانلیغا باخماز، هله قالسین کی عدالت!

شیخین سؤزونه سؤز دئیه نی کافر ائدیرلر

جسمین داغیدیب، نعشینی الناره * وئریرلر

جهلین گؤزو چیخسین، بو جماتعتدن آلیب گؤز

گؤرمور، اونا تک دوغرو اولان امر ائدیلن سؤز

قران کریم ده نه یازیلمیش سا، یازیلمیش

شیخین سؤزودور حکم، گولوم، بئله بیلیرلر

هرکس اوخویور آنلامامیش مصحف پاکی

یوزلر آنانین داغ گؤروب سینه چاکی

آفرین

درویش اوغلو

حؤرمتلی دیلداشلار و قلمداشلار:

کئچن سپتامبر آییندا "گؤزلیم ساغلیغیمین قدرینی بیل" آدلی بیر قوشقو گؤندرمیشدیم حضورونوزا.  بو قوشقونون موضوع سو قاطاردا گؤردوگوم بیر خانیم ایله بیر آقانین دانیشیقلاریندان عبارت ایدی.

کئچن یئددیلیک (هفته) بیر آخشام قاطار ایله ایشدن ائوه قاییدارکن بو ار- آرواد ایله تصادف اثری گئنه قارشیلاشدیم. مندن بیر نئچه دوراق سونرا میندیلر و گلیب دوز منیم اوتوردوغوم اوتوراغین (صندلین)  قارشیسینداکی بوش اوتوراغا اوتوردولار.

بیر حکیمین گئنجلیک خاطره لریندن *

درویش اوغلو

 

کئچن ایل تهران اونیورسیته سینین حکیملیک بؤلومونو قورتاران جوان حکیملریمیزین اونیورسیته نی قورتاریب و حکیملیک عنوانینی قازاندیقلاری مناسبتی ایله کئچیردیلن شنلیک چوخ تنتنه لی و گؤزل دوزنلنمیش ایدی. اونیورسیته نین کانتینی او گون تازا حکیملریمیزی و اونلارین گتیردیکلری قوناقلاری یئمگه قوناق ائیله میشدی. کانتینی بزه میشدیلر و گیریش قاپیسینین قارشیسینداکی دووارین یانیندا تاختادان، نئچه پیلله ایله چیخیلاجاق بیر صحنه قوروب اوستونو گؤزل خالچالارایله دؤشه میشدیلر. بو ایل حکیملیک عنوانینی قازانان گنجلریمیزدن بیرینجی، ایکینجی و اوچونجو اولانلارا بیر دسته گول ایله بیر دفترین آراسیندا بیر چک حاضیرلانمیشدی.