اهر چاییندان قاییدان اوشاقلار

داوود اهری

او ایستی یای گونی، ناهاردان سونرا، ۸-۷ اوشاق ایدیق، اهر چاییندان قاییدیردیق. چای قوروموشدی. آمما بیر باغین کناریندا کیچیک گؤل وارایدی و او گونی ایکی بالاجا توسباغا، بیر نئچه بالیق توتموشدوق. ایکی ده‌نه سو ایلانینی دا توتوب، دیشلرینی کیبریت چؤپو ایله سیندیریب و دئمه‌لی الی دولو ،سئوینج ایله شه‌هره، ائولریمیزه قاییدیردیق.
یولدا اوشاقلارین بیریسی، ابی‌نین قارداشی دالی قالمیشدی. بیردن گؤردوک قاچا-قاچا الینده بیر کؤهنه کوت بیزیم طرفه گلیر. یاخینلاشیب، نفس وورا- وورا دئدی:
- بو کوتو یول کناریندا تاپدیم.