آغیز آچیر یارالار

محمد نوری

آغیز آچیر یارالار
یعنی مندن خییابانا تؤکولور آداملار
تاکسی‌لار
قوشلار
بو اوتاغین قوینوندا تابوت
دیشارینی تشییع ائدیر چییینیده،

اوزاناندا گون کیپریکلریله

محمد نوری

 اوزاناندا

گون کیپریکلریمله
نوستالگییا صحنه‌لری
شکیل چکدیرن
پالتارینی اوتاق
بارماقلارینی اوتاق
فئمئنیزم اوتاق
اصلن اوتاق
او قدر اوتاق پورتاغال آغاجین سیراسیندا
آفتوبوس لاردان تؤکولسون!