مرکز یئر اوزونده آللاهین نماینده سی دیر!...

س. سئیداوالی

اؤنجه سیزه (اهل بخیه دئمیش) بو یازینین ترجمه سینین "شان نزولی" نی بیان ائدیم.

اورومیه گؤلو سون نفس لرینی چکیب، جان وئرمکده اولاندا، آذربایجانلیلارین اعتراضلاریندان قورخویا دوشن حسن روحانی، "معاون رئیس جمهور در محیط زیست" معصومه ابتکار خانیما امر وئردی کی بو گؤلو بیر ته هه ر اؤلمکده ن نجات وئرسین. 

ابتکار خانیم دا بیرینجی ایش اولاراق بیر هلی کوپتر ده اوتوروب و یوخاریدان گؤلون ائنینه- بویونا باخیب و ایشه باشلادی.

او گونلرده دوشوندوم‌ کی، عجبا بو تهرانلی خانیم حیاتی بویو هئچ بیر دفعه آذربایجانا سفر ائتمیش و جغرافی نقشه سینده اورومو‌ گؤلونون لیمان (بندر) لاریندان بیری اولان مثلا "قبادلی" نی تاپا بیلر؟...

اذنی اولماسی ...

کورت توخولسکی ترجمه ائده ن: س. حاتملوی

کتله وی (توده ای) ایش سیزلییین قورخونج جهت لرینده ن بیری ده، ایشله مک حاقی نین بیر «لطف» کیمی گؤرونمه سی دیر. ساواشلاردا اولدوغو کیمی: هر کیمین کی یئمگه کره سی وار، سیرتیق اولور.

ایشچی لرین و حتی بئله کارمندلرین بیر آرایا گلمه حاقی گونو- گونده ن اریییب و او قدر آزالمیش کی، ایش صاحیبلری ایله معاش باغلاماق اوچون آپاردیقلاری دانیشیقلاردا، اونلارین مووقعی گونو- گونده ن ضعیف له دییینه گؤره، «امک حاقی» سؤزو ایش صاحیبلرینه بیر فیرتانا تهلکه سی آنلامیندا گلیر ...

مرکز یئر اوزونده آللاهین نماینده سی دیر

کورت توخولسکی
مترجم: س. حاتملوی

مترجم ده ن:

وایمار (Weimar) جمهوریت ینده* سیویل جسارته مالیک اولان دموکرات انسانلارین ساییسی بیر او قدر ده چوخ دئییل ایدی. آلمان اؤلکه سینده جمهوریت اوچون ساواشان ضیالیلاردان بیری کورت توخولسکی (Kurt Tucholski) اولموشدور. او آلماندا یاشادیغی ایللرده، یورولمادان میلیتاریزمی و دادگستری نین ناسیونال سوسیالیزم ایله گیزلی باغلانتی لارینی و بئله لیکه فاشیزمه زمین حاضیرلاماغی  افشا ائده ن ایره لیجی انسانلاریندان بیری اولموشدور.

کورت توخولسکی میلادی 1890- جی ایلده برلین شهرینده دونیایا گؤز آچمیشدیر. شاعیر، یازیچی، ژورنالیست و ادبیات تنقیدچی سی توخولسکی، وایمار جمهوریتی نین باشاریلی ضیالیلرینده ن بیری ساییلیردی. 1924- جی ایلده ن پاریسده و 1929- جی ایلده ن سونرا سوئدده یاشایان توخولسکی، 1935- جی ایلده بو اؤلکه ده دونیایا گؤز یومموشدور.