ميلان
کوندئرا - چئویرن: نامیق حوسینلی ؛ Milan Kundera Çeviri: Namiq Hüseynli;
"يوز
ايلين تنهاليغي"ني اوخوياندان سونرا مني غريبه بير حيس بورودو، مگر بوتون
بؤيوک رومان قهرمانلاري اؤولادسيز اولور. گئرچک حياتدا اهالي‌نين جمعي بير
فايزينين اوشاغي اولماديغي حالدا، مشهور رومان قهرمانلارينين مينيموم اللي فايزي
اؤزوندن سونرا نسيل قويمادان صحيفه‌لر آراسيندا ايتيب گئدير. ايستر پانتاقروئل
اولسون، ايستر پانورق، ايستر دون کيخوت، هئچ بيريسي‌نين اؤولادي يوخ ايدي. تکجه
اونلارينمي؟ هئچ "تهلوکه‌لي علاقه‌لر" فيلمينده‌کي والمونونون دا،
مارکيزا دؤ مئرتئيين ده، خئيرخاه پرئزيدئنت آروادي مادام دؤ توروئلين ده اوشاغي
يوخدور.
