یارپاقلار تؤكولنده

ذولفقار کمالی

كؤنلوم ده بیر تیتره ییش

یارپاقلار تؤكولنده

الوداع ای سون باخیش

یارپاقلار تؤكولنده

قارا بولوت

ذولفقار کمالی

یئنه باشیم اوسته نه هرله نیرسن...؟

پاسلی قلینچ كیمی زهرله نیرسن

گاهدان اوجالانیب گاهدان انیرسن

ایتیل گؤز ائویندن آی قارا بولوت

باخیب گولومسه سین آی قارا بولوت

قاپیمیز آچیلیر گونشه ساری

ذولفقار کمالی

قلینجلار سونگولر، توپلار گول له لر

بیزیم قلبیمیزده ایز سالیب كئچیب

انسانین باشینا گؤر گلیب نه لر

دمیرده, انسانین قانیندان ایچب

یالان دونیا

ذولفقار کمالی

سنه چوخ دئدیلر یالان دونیا

سن یالان دئییلسن ازه لی دونیا

دونیالار دوردوقجا قالان دونیاسان

بوتون گؤزه للرین گؤزه لی دونیا

گؤزومو آچاندا بو جهانه من

سووموشدون باشیندان مین زمانه سن

كیمسه قوناق اولسا سنه اوركدن

چكرسن نازینی غمزه لی دونیا

بهمنین ییرمی دوققوزو

ذولفقار کمالی

ائللر دئییردی تبریزی
کؤینک گئیمیشدی قیرمیزی
آذربایجانیمین اؤزو
ظولمدن قورتارسین بیزی
بهمنین ییرمی دوققوزو.