"اورخان پاموکون شهرى و دونياسى" - "Orxan Pamukun Şəhəri və Dünyası"

آنار - Anar چویرن: میارلی

2009

-جو ايل مايين 21-ده آذربايجان يازيچيلارينين اون بيرينجى قورولتايي اولدو. باشقا قوناقلارين سيراسيندا من تورک يازيچيسى اورخان پاموکو دا دعوت ائتميشديم. او، دعوتيميزى ممنونيتله قبول ائتدى و مشهور ژورناليست، رحمتليک عيرفان اولکو ايله بيرليکده ايلک دفعه آذربايجانا گلدى. او زامان اورخان هله نوبئل لاورئاتى دئييلدى، لاکين بوندان قاباق دا تورکيه‌ده اونو چوخلارى سئوميردى. موکافات آلديقدان سونرا اونلارين سايى طبيعى کى، آرتدى. شؤهرتين بد‌لى بودور.

ياديمدادير، مئکسيکادا اوراداکى يازيچيلارلا صؤحبت زامانى سؤز مارکئسين "100 ايلين تنهاليغى" رومانيندان دوشدو، ناثيرلردن بيرى "بو اثر نوبئل موکافاتى آلاندا چوخ تعجوبلنديم" دئدى.

"سنى قورتوم- قورتوم دئييل، داملا-داملا ايچه‌جگم"

خورامان حوسئين‌زاده - آراشدیران: میارلی

تورکيه جومهوريتى تاريخينده سيلاحلى قووه‌لرين رهبرليگى ايله اوچونجو آچيق موداخيله اولان 12 سئنتيابر حربى چئوريليشى و يا 1980 قيامى حاقدا تورک ادبياتى‌‌نين ان اؤنملى ايمضالاريندان اولان گولتن آکين "42 گون" آدلى کيتاب يازير. بو گون گنج نسيل اوچون 12 سئنتيابر 1980-جى ايل حاديثه سى‌‌نين بير آنلامى اولمايا بيلر. آما او گونلرى خاطيرلايانلار اوچون همين تاريخ عاغيللارا آيلارلا داوام ائدن حبسلر، ايتکيلر، آغلاگلمز ايشگنجه اوصوللارى و اعداملار گتيرير.

پورترئت حاقيندا آنلاييش - حيات حقيقتي‌نين بديعى منظره‌سى

ايسماييل ولى‌يئف - چویرن : میارلی

بديعى  ادبياتين جمعيتده‌کى  فونکسيياسى  و رولو اونون ايجتيماعى تاثير گوجو، ماهيتى، حياتى  عکس ائتديرمه خوصوصيتلرى  ايله علاقه‌داردير. بديعى  ادبيات حيات ماتئريالينا، رئال فاکتلارا، اينسانلارا- پروتوتيپلره اساسلاناراق، اونلارى  اوبرازلى  شکيلده تجسوم ائتديرديگينه گؤره، اوندا عکس ائتديرمه، گؤسترمه، نظره چاتديرما خوصوصيتى  و. پرينسيپلرى  باشليجا رول اوينايير کى، بو دا يازيچى  ايدئالي‌نين، ادبى  مقصد و بديعى  نتيجه‌لرين آيدين و رئال اولماسى  طلبينى  قارشييا قويور. رئالليق، اينانديريجيليق ايسه ادبياتين تيپيک لؤوحه و حاديثه‌لرى، خاراکتئر و اوبرازلارى  حياتدا اولدوغونا اوخشار شکيلده جانلانديرماسينى  ضرورى  ائدير.