Nov 17, 2015

توالت فیرچاسی فیکرینین قایناغی و هدفی نه اولابیلر؟


درویش اوغلو

بیر "سوء تفاهم" اولوبدور باغیشلایین، دئیه جکلر. بئیله بیر شئیی، باغیشلاماق  مومکون اولمایاجاق قدر چتین اولدوغونا قارشین، باغیشلاساق بئله، بو اولایی ذهنیمیزدن سیلیب آتماق مومکون مو؟ بئله بیر تئاترین پروگراملاشدیریلماسیندا بیرینجی آددیمین کیم طرفیندن آتیلدیغینی و بیرینجی فیکیرین هاردان چیخدیغینی آخدارماق، و نییه سینی سوروشماق  چوخ طبیعی اولان بیر ماراغین (کنجکاولیغین) نسنه سی اولدوغونون یاینیندا،  دانیلماسی مومکون اولمایان حاقیمیزدیر.

رسمی تلویزیون کانالیندان یاییلان بیر تئاتر پارچاسی  شاپبادان اورتایا چیخابیلمیز. بو مملکتین "وزارت ارشادی" تلویزیوندان یاییلان و یا یاییلماسی پلانلانان بیر تئاتر اوستونده نظارتی یوخسا، بو دؤلتین ایچینه سی......لار.
بو دؤلتین "وزارت اطلاعاتینین" رسمی تلویزیون کانالیندان یاییلان بیر تئاتر
اوستونده نظارتی یوخسا، بو دؤلتین ایچینه سی.....لار.
خیر بئله دگیل، آخماق اؤزوزسوز جناب "بیر سوء تفاهم" چی لار. ایستر وزارت ارشاد، ایستر وزارت اطلاعات، خیاواندا لبی لبی ساتان یوخسولون تومانیندا چیخابیلجک اولاسی (احتمالی) بیر سسی بئله کونترول ائدیب، اؤز نظارتی آلتیندا چیخماسینی قطعیته باغلاماغا چالیشدیغی یئرده،  دؤلت رسمی تلویزونوندان یاییلان بیر تئاتر پارچاسینین سناریو یازیشینی و اجراسینی آنجاق بیر پروگرام مودورونه بیراخدیغینی دوشونمک، علیل اولمایان بیر بئینه سیغماز.
اولاین پرده دالیسیندا کئچن بویوتلاری بوندان دا گئنیش دیر. وزارت اطلاعات بئله بیر تئاتر پارچاسینین توپلومدا یاراداجاغی عکس العملی تصور و تجسم ائده بیلمیرسه، بئله بیر وزارت اطلاعاتین و بئله وزارت اطلاعاتی اولان دؤلتین ایچینه سی......لار.
آخماق ده ده ن دیر، آخماق اؤزونسن، "بیز بیلمیردیک آذری وطنداشلاریمیز بئله بیر شئیدن اینجییه بیلر" دئیه قاباغا چیخان.
بو "سوء تفاهم" ایستر پروگراملاشدیریلماسیندا، ایستر هدفینه چاتماسینین یولوندا، ان آیرینتیلی اینجه لیکلرینه قدر  بیلینجلی پروگراملاشدیریلمیش و بیلینجلی قاباغا آپاریلان  استراتژیک بیر "سوء تفاهم" دیر.
هدف نه اولابیلر؟

No comments: