باشین ساغ اولسون آذربایجان!

ایشیق سایتی

آذربایجاندا گوجلو زلزله باش وئریبدیر

رسمی‌خبر آژانسلاری‌نین یایدیغی خبر اساسیندا آذربایجانین «میانا» ولایتینده ۵٫۹ ریشتر گوجونده زلزله باش وئرمیش و بیر چوخ خسارتلرین یارانماسینا سبب اولموشدور.
رسمی‌دایره‌لرین وئردیگی ایلک گزارشلره اساسن، بیر چوخ کندلر جدی زیان گؤروب، ۷۰۰ کند ائوی مختلف درجه‌ده اوچوب،، یوزلر مال- داوار محو ائدیلیب، نئچه یوز نفر یارالانیب و ایلک معلوماتلارا گؤره ۵ نفر جانلارینی الدن وئرمیشدیلر.

آذربایجاندا باش وئرن گوجلو زلزله داها آرتیق «میانا»، «تورکمنچای» و «ساراب» ولایتلرینده مختلف درجه‌لی خسارتلره سبب اولوبدور. ان آغیر خسارت ایسه «ترک» و «تورکمنچای» شهرلری، و «اوونلیک»، «ایشله»، «بالسین»، «خلفه‌لی»، «کیچیک سوما»، «چاناق بولاق»، «بؤیوک سوما»، «خواجه قیاس»، «ورنکش» کندلرینده و «بوزگوش» داغی‌نین اتک‌لرینده یئرلشن اراضیده قئیده آلینیبدیر.
«ایشیق» سایتی اؤز امکداشلاری آدیندان بو فاجعه‌نی یاخینلارینی ایتیرن عائله‌لره و بوتون آذربایجان خالقینا باش ساغلیغی وئریر و اؤزونو بو عموم ملی ماتمده اورتاق بیلیر.

«ایشیق» – آذربایجان ادبیات و اینجه صنعت سایتی
۱۷/۰۸/۱۳۹۸