Sep 19, 2014

گؤزلیم ساغلیغیمین قدرینی بیل

درویش اوغلو

حؤرمتلی دیلداشلار و قلمداشلار،

آشاغیدا اوخویاجاغینیز قوشقو(شعر) خاص بیر مناسبت ده ذهنیمه گلدی.
کئچن گونلرین بیرینده آلمانیانین کؤلن شهرینده قاطار ایله ایشه گئدرکن مندن ایکی ردیف قاباقدا اوتوران بیر جوان اوغلان ایله بیر جوان خانیم آلمانجا یوخ، آنجاق یاخچی بیلدیگیم بیر دیلده دانیشیردیلار. دانیشیردیلار دئمک اصلینده دوغرو دگیل، چیغیریشیردیلار، یوخسا ساواشیردیلار دئمک داها دوغرو اولور. سسلرینین اوجالیغی قاطاردا اوتوران هرکسی راحاتسیز ائدیر و دققتینی چکیردی. آنجاق اونلارین دانیشدیقلارینین آنلامینی بیلن بلکه تک من وار ایدیم. دانیشیلان موضوع خانیمین اوشاقلارینی تایایا وئرمک ایسده دیگی و جوانین دا، آیری ایشی اولمایان بیر آنانین اوشاغینی نئیه تایایا وئرمک ایسده دیگینی بیلمه دیگی ایدی.
اونلارین آراسیندا کئچن دگئیشمه او گوندن سونراکی ایکی ـ اوچ گونده ذهنیمی مشغول ائتمکده ایدی. بئنیمده دؤنن بو فیکیرلری کاغاذا گئتیرمک ایله ائشیگه آتماسا ایدیم، بلکه ده خسته اولاجاق ایدیم.
بو قوشقودا کئچن سؤووش و یامانلاردان بیر پاراسی دوغرودان دا قاطاردا  اوتوران جوانین یانینداکی خانیمین اوزونه دئدیگی کلمه لرین تکراری دیر.
بئیله قوشقولار ائسگی و یئنی ادبیاتیمیزدا دا آز دگیلدیر. شبسترلی میرزه معجزین، علی اکبر صابرین، یوخسا چاغداش شاعریمیز مراغالی کریمی نین قوشقولاریندا بئیله کلمه لر چوخ کئچر.
بو قوشقونو اوخویانلارین چتینلیک چکمه مک لری اوچون قوشقودا کئچن آلمانجا دیلیندن آلینمیش بیر پارا کلمه لری اؤنجه لیکله ایضاح ائدیرم:


آرگه: آلمانیادا ایش اداره سینین ایشسیزلره مالی یاردیم ائدن بؤلومو
سوسیال آمت: ایشله مک قابلیتلری اولمایان یوخسوللارا یاردیم ائدن اجتماعی یاردیملار اداره سی
راین: آلمانیادا آخان بؤیوک بیر چای دیر
سامسون: سیغار کاغاذینا ساریلیب سیغار کیمی چکیلن بیر توتون مارکی دیر
میلیون: خانیملارین ایشلتدیگی باهالی بیر پوماد دیر
دیور: خانیملارین ایشلتدیگی باهالی بیر پارفوم دور
تاقس موتر: کلمه کلمه سینه ترجمه ائدیلیرسه "گوندوز آناسی" دئملی تایا دیر
لزبیش: آرواد همجنس باز
شوول: کیشی همجنس باز
اینتگراتسیون کورس: آلمانیادا خاریجی لر اوچون دؤلت طرفیندن قویولموش دیل و کولتور درسی دیر

گؤزلیم ساغلیغیمین قدرینی بیل
منی دیندیر، گؤزومون یاشینی سیل
من اؤلندن سونرا سن دول قالارسان
گؤزو یاش، باغری یانیق کن الی یوخسول قالارسان
 دوشرسن آرگه یه، سوسیال آمتا
بیر میتیل، جیندا  پالاز چول قالارسان
گؤز یاشین آخسا داشیرتسا قوجامان چای، راین ای
گئنه منسیز دولانان دؤر فلک دیر عینی
قبریم اوسده دؤشه سن آ...غینین قیللارینی
قالخماز اؤلموش قازانا خرچلیه سن پوللارینی
آغلاسان، وورسان اؤزون یئرلره، ییرتسان گؤ..نو
آلامازسان او سحر چکدیگین سامسون توتونو
"فاطما، نرگس ائو آلیب، بیزده آلاخ، ممد حسن!"
اوتوز ایلدیر چالیشیر اونلار، آی آرواد بیلیرسن؟
داها پست ایله دونن گلدیگین بو اؤلکه ده سن
پاسوون دامغاسی یاش کن ائوه یئریکله یه یسن؟
یئتمه میش آلدین ائوین مالی اموراتینن اله
قیّیم اولدون منه، ساندین کی صغیمرم می هله؟
بانکیمین نمره سینی باغلادیب آچدین تازاسین
گئجه خنجرله گلن اوغرونون آلّلام قاداسین
اوزالدارکن آیاغین باخ اؤزوون یورقانووا
"ائو آلاخ" سؤیلر ایکن یاخ قاراسیندا جانووا
نئچه طاووس قوشونون رنگی چیخیب ساچلارووا
کوی وبرزنده گؤرن حیران اولور قیچلارووا
اؤلچوسوندن چیخاریبسان ائتگین قیسسالیغین
آشکارا گؤرونور هر کسه آغزی بالیغین
علم و صنعت اوخویور آلمانا هرکس گلسه
آم تماشایا چیخارتماق می سنین اوستالیغین؟
یاخاوون چاکی آچیلمیش یئتیشیب دیر گؤبه گه
بنزه دیرسن اؤزوو سن نیه قانجیق کؤپه گه
بو شماییل ده چیخیرسان هله ائودن ائشیگه
کی دئسینلر بو دؤنوب میرّروا گلمیش پیشیگه
پومادین میلیون اولوبدور پارفومون ایسه دیور
س...کی قالخیر جوانین هرنه قدر اولسا غیور
بیلمیرم هانسی وزارتخانادا ناظرسن
که اوشاق وئرمه گه تاقس موتر ه حاضرسن
دوغدوغوندور بو اوشاق، باغریوا باس هر پوخسا
وئرمه تاقس موتره، ایبنه چیخار ها یوخسا
نه بیلیرسن او"آنا" هانسی جهنم قوشودور
اولابیلسین کی او لزبیش، یا شوول بایقوشو دور؟
کئچن اوچ ایلده  کی اؤگرنمه میسن اوچ کلمه!
اؤگرن، اؤگرن، دئیه قیل چیخدی منیم بو دیلیمه
گئت سن اینتگراتسیون کورسونا آلمانجا اوچون!
ائشگه آرپا توکوبلر، او قاچیر یونجا اوچون
اوشاغین دان خبر آل بیلمه دیگین کلمه لری
سؤیله یازسین سنه دفترده گؤزل جمله لری
ائوه گلدیکده گؤرور شام و ناهاری یوخدور
بس کی اینترنت و اسکایپ دا دوستون چوخدور
هاردان اؤگرنسین آنا سئوگیسی بیچاره طیفیل؟
ووروسان ذهنینه هرگون نئجه یوزلرجه قیفیل
چیغیریرسان باشینا "دینمه، سسین سال ایچیوه"
فیس بوک دا چِئت ائدیرسن، نه دیر دونیا وئجوه
فیس بوک، اووویا، اسکایپا آلیشما بوقدر
بالامین دردینه بیگانه یاناشما بوقدر
منه بیگانه گؤزویله باخان اولسان سؤز یوخ
اوشاغی یاد اَله وئرمک اوچون چالیشما بو قدر

                           کؤلن، سپتامبر 2014                                                                               

No comments: