بیر آدین اوچ اودو

افراسیاب نوراللهی

“استاد چنگیز مهدی پور” اوچون؛

“چنگیز”ده، “جنگیز”ده، “چینگیز”ده او دو
یانی؛
بیر آدین اوچ آلووو، اوچ اودو…
“چنگیز” دئییلینجه،
“چنگ”، “عود”
“جنگیز” دئییلینجه،
جنگی کوراوغلودو
“چینگیز” دئییلینجه ده،
چیینی یوکلو بیریمیز

یانی،
ساز تانریمیز، موسیقی پیریمیز
یانی،
بیر آدا سیغماز سیریمیز
یانی،
بیر آدا اوغوللوق ائتمک،
چوخ چتین اولدوغو بیر دوروموموزدا،
اوچ آدا آنالیق ائله‌ین شیریمیز…

۱/۱۲/۱۳۸۹