س. سئیداوالی
آغاج لار گرنه شیرلر.
یاشیل چمن ده ن،
توخونموش الوان خالچالار.
گونش تئل لری،
باهار یئل ینده هؤرولمکده دیلر.
طبیعت اوطاغیندا،
گنج گلین لر کیمی،
بزه نیرلر گل لر.
هر یئر تر- تمیز،
هر شئی گوزه ل.
هاوادا باهار نفسی وار،
ایشته باهار گلیر. ...
طبیعت، یازین پئشوازینا گئدیر.
منیم ده اوره گیمده بیر چیرپینتی،
باشیمدا بیر سئودا،
قولاغیمدا بیر سس،
دیلیمده بیر ماهنی.
و بوتون آجی لارا رغماً،
یاشاماغا ده یه ر بو حیات.
دؤیوشمک، ایره لی له مک،
بو باهاردا دا گوزه ل.
آمما هارا گئتسم،
هاردا اولسام،
سن سیز اولمور،
سن سیز یاشانماییر بو حیات
سئوگیلیم!
No comments:
Post a Comment