قورولتای، مرکزی آوروپا واقتیلا شنبه گونو اوگوست آیی نین 31 ینده ساعات 18 ده تاخیرله باشلادی و 1 سئپتامبر گونو آخشاما قده ر دوام ائتدی. شیوا فرهمند بی قورولتایین گئدیشاتی حقده بیلگی وئردیلر و سونرا صدیقه خانیم عدالتی دوکتور رضا براهنی نین (قلم انجومنی نین فخری صدری) ایکینجی قورولتایا گؤندردیکلری پیامی اوخودولار. قورولتای ایلک باشدا خانم آیدا امیر هاشمی و علی بی قره جه لونو قورولتای ایداره رئیسی اولاراق سئچدیلر و آردیندان بیرینجی دبیرلرهئیتی عوضولری گوزاریشلرینی آیری آیری قورولتایا تقدیم ائتدیلر. ایلک گوزاریش دبیرلر هئیتی نین صدری صدیقه خانیم عدالتی طرفیندن آشاغیداکی شکیلده اوخوندو و آردیندان علیرضا بی اصغر زاده، سودابه خانیم اردوان، لیلا خانیم مجتهدی و شیوا بی فرهمند اؤز گوزاریشلرینی قیساجا تقدیم ائله دیلر.
صدیقه خانیم عدالتی نین قلم انجومنی نین ایکینجی قورولتاییندا دبیرلر هیئتی نین ایکی ایللیک فعالیت گوزاریشینی اوچ باشلیق آلتیندا وئردیلر:
1- عوضولوک مسئله سی
2- ایداره شکلی
3- عومومی روابیط
1-1 انجومن 2 سپتامبر 2011 ایلینده قورولدوغوندا 26 مؤسس عوضو ایله ایشه باشلامیشدی، بونلارین 19 نفری بیریمینجی قورولتایدا شیرکت ائتمیشدیلر.
ایلک مؤسس عوضولردن:
9 نفر عوضولوک حقینی وئرمه یَرک استعفا ائتمیشدیلر. عوضولرین 7 سی پاسیو و هیچ بیر دلیل گؤسترمه ییب و مالی مسئولون اویه لیک حقلرینی وئرمه لرینه داییر یازدیغی مکتوبلارا دا هیچ بیرعکس العمل گؤسترمه میشلر. 2 نفر ایسه عوضولوک حقلرینی وئرمه یی مشروط قبول ائدیب و آشاغیداکی شرطلری ایره لی سوروموشدولر:
- انجومنین آدی قورولتای تشکیل تاپمادان اؤنجه دییشمه لیدیر
- تکلیف ائتدیکلری عوضولرین ایفتیخاری عوضو اولاراق قبول ائدیلمه سی
- انجومندن استعفا ائدن عوضولرین تکرار انجومنه دؤنمه لری
1-2 انجومنین عوضولریندن 7 سی آشاغیداکی دلیل لره گؤره استعفا وئریبلر:
- سایتین دیلی نین آغیرلیقلا فارسجا اولماسی
- انجومنین آدی
- انجومنه آلینان بعضی عوضولرین خصوصی یاشاملارینا اعتراض
- عوضو آلما شکلینه اعتراض
- مقاله لری نین انجومنین سایتیندا نشر ائدیلمه مه سی
- انجومنین ایداره شکلینه اعتراض
1-3 انجومنین ایکینجی قورولتاییندا 28 رسمی عوضو واردیر. بونلارین 23 قورولتایدا شیرکت ائتمیشدیر.
2- انجومنین بیرینجی دؤره ده ایداره شکلی:
2-1 انجومن ایلک رسمی قورولدوغوندا 8 نفر دبیرلر هیئتی اولاراق سئچیلمیشدی. بونلارین ایکیسی علی البدل و 6 سی رسمی عوضو ایدی. علی البدل عوضولرله رسمی دبیرلر هیئتی عوضولری آراسیندا هیچ بیرفرق یوخدو. علی البدل آدی ایله سئچیلن عوضولر ده عینی رسمی عوضولر کیمی دبیرلر هیئتی نین بوتون ایجلاسیندا شیرکت ائدیب و بوتون حقلره صاحیب ایدیلر.
دبیرلر هیئتی نین ایکی عوضوو رسمی شکیلده استعفا وئریب و بیر هیئت عوضوو ایسه عوضویت حقینی وئرمه یه رک انجومندن آیریلمیشدی.
2-2 انجومن آدینا توتولان بوتون تصمیملر، یازیلان بیانیه لر، قبول ائدیلن عوضولر دبیرلر هیئتی نین رأیی و چوخونلوغونون تأییدی ایله اولموشدور. عوضو توتما تمامأ اساسنامه نین بلیرله دیگی قانون و چرچئوه ده اولوب و دبیرلر هیئتی نین چوخونلوغونون تأییدی ایله اولموشدور.
3-2 انجومنین 4 نفرلیک تحریریه هیئتی و وظیفه لری:
سایتدا یایینلانماق اوچون گؤندریلن یازیلاری فرقلی دیللرده: اینگیلیسجه، فارسجا، آذربایجان تورکجه سینده ائدیت ائتدیکدن سونرا یازیچی سینا گؤندریلیب، تأیید آلدیقدان سونرا سایتدا نشر ائتمکدی.
تحریریه هیئتی نین باشقا وظیفه سی ده، یازیلاری محتوالارینا گؤره (انجومنین پرنسیپلرینی ایخلال ائدیب ائتمه مه لرینه باخاراق) تدقیق و سایتدا نشر ائدیلمه لرینه نظر وئرمک اولموشدور.
2-4 انجومنین ایمضاسینی داشییان مکتوبلار و یازیلارین هامیسی دبیرلر هیئتینین چوخونلوغونون تأییدی ایله نشر ائدیلمیشدیر.
3- عومومی روابیط و یا خلق ایله ایلیشکیلر:
اوچ شکیلده تحقق تاپمیشدیر:
3-1 فیس بوک طریقی ایله
3-2 انجومنین و آرادا بیر دبیرلر هیئتی نین شخصی مئیل صاندیلقارینا گلن مکتوبلار
3-3 تلفن واسیطه سی ایله
عوضو لرایله گؤروشمه لر عمومییتله تلفن واسیطه سی ایله و دبیرلر هیئتی مسئولو طرفیندن اولموشدور. فیس بوک گؤروشمه لری تبلیغات مسئولو طریقی ایله و مئیللره جواب دبیرلر هیئتی نین مسئولو، سایت مسئولو، مالی مسئول و روابط عومومی مسئولو طرفیندن اولموشدور.
تکنیکی مسئله لر خاریجنده انجومنه گلن انتقادلار، اعتراضلار و سوآللار دبیرلر هیئتی نین مشورتی ایله جوابلاندیریلمیشدیر.
بیرینجی دؤره قلم انجومنی نین ایداره سی دبیرلر هیئتی نین چوخونلوغونون 100% ایشتراکی، عوضو توتما و انجومنین آدینا توتولان تصمیملرده تأییدی و تمامأ اساسنامه نین قانونلارینا گؤره شفاف شکیلده اولموشدور.
علیرضا اصغر زاده بی:
بو گونه قده ر "دونیا قلم انجومنی"نه عوضو اولا بیلمه میشیک. بئله کی، اولار بیزی نه قبول و نه رد ائتمیشلردیر. بلکه بونون علتی ده بیزیم انجومنین آدی و عونوانی دیر، و یا سیاسی بیر دلیلی واردیر کی شاید ایرانا بو بارده توضیح وئرمه مجبوریتینده قالا. بیزیم اوچون دونیا قلم انجومنی نین انتلکتوئل جنبه سی چوخ مهم دیر. بیزلر اولاردان ایستفاده ائدیب و اؤز انجومنی میزی ایرتجاعی فیکرلردن تمیزلمه لییک. دئمه ک سؤز و دوشونجه آزادلیغینی اساس آلیب و دونیا قلم انجومنی نین مترقی اصل لرینی او جمله دن "لائیسیته" اصلی نی آذربایجان افکارعومومی سینین ایچینه آپارمالییق و عرقچیلیق، سکسیم ... ایله مبارزه آپارمالییق. بو موضوع لارا سمینارلار برپا ائدره ک گئنیش شکیلده شفافلیق گتیره بیله ریک.
سودابه خانیم اردوان:
بیز بیرینجی دفعه آذربایجان قلم انجومنی نی قوروب، اداره ائله دیک و بوگونه گتیریب چاتدیرا بیلدیک. بو ایش هئچ ده راحات اولمادی، چونکو ایکی ایل ایچینده هرطرفدن، فشار، تهمت و سو تبلیغاتا معروض قالدیق و بو شرطلر آلتیندا ایشیمیزه دوام ائله دیک. دبیرلر هئیاتی نین فیکری فرقلرینه رغمن اینانیرام کی بو وظیفه میزیی بؤیوک فداکارلیق و ایناملا قاباغا آپارا بیلدیک.
لیلا خانیم مجتهدی:
هئیات دبیرلر ایچینده اولماغیم منیم اوچون چوخ دیه رلی و باها بیچیلمه ز بیر تجروبه سایلیر. بیرینجی ایلده انجومن سایتی نین مسئولو و اونون فیس بوک صحیفه سینده دواملی حضورو اولماسینی ساغلاماق و تبلیغات آپارماق و عومومی روابیط ین مسئولو ایدیم. سونرالار اولا بیلر کی فیس بوک دا بیر صحیفه آچیب و قلم انجومنی میزین تبلیغاتی ایشلرینی اورادا قاباغا آپارا بیله ک.
شیوا فرهمند:
انجومنین مالی مسئولو، تحریریه هئیاتی عوضو و سونرآدان انجومن سایتی نین مسئولیتینی قاباغا آپاردیم. انجومن سایتینی تماما دئیشدیردیم، چونکو قاباقکی سایت یئترسیز ایدی و چوخلی وقت آپاریردی. سایتی دوزلدیب و کد لارینی یازماق ایکی آی وقت آپاردی. بوردا قئید ائله مه لییه م کی، دوستوموز محمد رضا بی اردبیلی مطلب گؤندرمک ده منه چوخ یاردیم ائله دیلر، و علاوه ائله مه لییم کی، گئچن ژانویه آییندان بوگونه قده ر انجومنین سایتینا 17 مین 400 نفر موراجیعه ائله میشدیر. دوستلارین قلم انجومنی بارده نظرلرینی بیر مسئله یه جلب ائلمه ک ایسته ییرم، بو مسئله قلم انجومنیمیزین قالماسی و تداوم تاپماسی اوچون چوخ مهم دیر:
پن سیاسی بیر تشکیلات دئیل. پن دونیا گؤروشو و دونیا باخیمی بیرلیگی یئری ده دئیل. پن ده، مسلمان دا، مسیحی ده، یهودی ده، مارکسیست ده، دین‌سیز ده، ایسته ر سرمایه‌دار، ایسته ر دیلنچی ده، بیر یئرده ییغیلیب سؤز آزادلیغی اوغروندا چالیشا بیلرلر. پن ده، عضولرین بیر- بیری ایله دوشمنلییه یئر یوخ، بیر - بیری‌نین سؤز آزادلیغی‌نین قورماغی یئری‌دیر.
دونیا پنی‌نین مرامنامه‌سینده دئیلیر: "پن عضولری هر زامان میللت‌لر آراسیندا خوش نیت و قارشیلیقلی حؤرمت نامینه بوتون تأثیر گوجلریندن استفاده ائتمه‌لی‌دیرلر: اؤزلرینی ایرقچیلیغی، صینفی و میللی دوشمنچیلیک‌لری محو ائتمک اوچون ال‌لریندن گلنی ائتمه‌گه و تک بیر اینسانلیغین یاشادیغی تک بیر دونیا ایده‌آلی‌نی یوکسلتمه‌گه حصر ائتمه‌لی دیرلر. پن عضولری مومکون اولاندا اؤز اؤلکه‌لرینده، توپلوموندا، و بوتون دونیادا وار جدیتلری ایله افاده (بیان) آزادلیغینی‌نین بوغولماسی قارشی‌سیندا دایانمالی‌دیرلار".
هئیت دبیرلردن سوآل و جوابلار:
- آراز بی فنی هرکسین اؤزونو تانیتدیرماسینی ایسته دیلر، هادی بی قاراچای و عبدالله امیر هاشمی بی ایران کلمه سینین انجومنین عونوانیندان قالدیریلماسینی ایسته دیلر. سئویل خانیم سلیمانی سورگون کلمه سینین سیاسی بیر آغیرلیغی اولوغو اوچون قالدیرلماسی لازیم دیر، دئدیلر. انجومن کلمه سینین یئرینه "درنک" کلمه سی قویولسون اؤنریسی ده اولدی کی، نتیجه ده همان انجومن کلمه سی تثبیت اولوندی.
- شیوا بی: دبیرلر هئیاتی حاقدا انجومنینی سایتیندا یئترین قده ر معلومات واردیر.
- صمد بی پورموسوی: بو مسئله یه کولتورل نظریندن باخماق لازیم. دونیایا اؤزوموزو نئجه تانیتدیرا بیلریک. تبت مسئله سی و یا اویغور مسئله کیمی. سورگون یئرینه ماهاجیر ده دئیله بیلر.
- محمد بی آزادگر: انجومنین آدینا ایستقلال و فئدرالیسم مسئله سینی قاتماماق لازم. بیز اگر سعید متین پورون آزادلیغینی ایسته ییریک بونو هانکی دولتدن ایسته ییریک بو آچیق و آیدین بیر مسئله دیر.
- حسین بی انور حقیقی: بو مسئله نی اوزآلتمامالییق چونکو قلم انجومنی نین آدی بیر "سازش" اولاراق آلینمیشدیر، یعنی بو آد بیر"اجماع" اولاراق قبول ائدیلمیشدیر. آیریجا بو آد تحمیل ده ائدیلمه میشدیر.
قورولتایین بو بؤلومونده چوخلی موباحثه لر گئتدی و حتی بعضن عصبیت فضاسی دا یاشاندی. خصوصا ایران کلمه سی بارده چوخلو حساسیت لرده واردی. سونوندا، یوخاریداکی قئید اولونان موباحثه لری بیر نتیجه یه یئتیرمک اوچون سس وئرمه اصولونا گئدیلدی و نتیجه ده انجومنین آدی و عونوانی ابقاء اولوندو.
قورولتایین ایکینجی گونو
ایکینجی گونده 21 عوضو قورولتایا قاتیلدی. بو گونده بیر نئچه تکلیف مطرح اولوب و تکلیف لر عومومی اولاراق 3 باشلیق آلتیندا بلیرله نمیشدیر.
1- عوضویت حقینین بلیرلنمه سی. بو بارده ایلده 30 یورو هر عوضو اوچون تعیین اولوندی. تورکیه و آذربایجان جمهوریتنده یاشایان عوضولر اوچون سمبولیک و مینیموم بیر مبلغ تعیین اولوندو.
2- قورولتای ایلده بیر و دبیرلرهئیتی ایکی ایلده بیر سئچیلمه لی. بئله کی دبیرلرهئیاتی نین یاری عوضولری هر ایل یئنی لنمک شرطی ایله دئیشدیریلدی. آیریجا دبیرلر هئیاتی 5 نفر اولاراق تعیین اولدو و علی البدل عضولر ایسه تماما قلدیریلدی.
3- انتخابات اساسنامه یه گؤره هر زامان گیزلی اولمالیدیر اصلی تائید اولوندی.
یئنی دبیرلرهئیاتینین سئچیلمه سی
دبیرلر هئیاتی اوچون آنجاق 3 نفر اؤزلرینی کاندید گؤستردیلر و ائله هر اوچوده قلم انجومنینین یئنی دبیرلر هئیاتی اولاراق سئچیلدیلر. خانیم آیدا امیر هاشمی، صمد بی پور موسوی و علی بی قره جه لو قلم انجومنی نین یئنی دبیرلر هئیاتی اولاراق سئچیلدیلر.
حؤرمتله
دبیرلر هئیاتی
15 سئپتامبر 2013
صدیقه خانیم عدالتی نین قلم انجومنی نین ایکینجی قورولتاییندا دبیرلر هیئتی نین ایکی ایللیک فعالیت گوزاریشینی اوچ باشلیق آلتیندا وئردیلر:
1- عوضولوک مسئله سی
2- ایداره شکلی
3- عومومی روابیط
1-1 انجومن 2 سپتامبر 2011 ایلینده قورولدوغوندا 26 مؤسس عوضو ایله ایشه باشلامیشدی، بونلارین 19 نفری بیریمینجی قورولتایدا شیرکت ائتمیشدیلر.
ایلک مؤسس عوضولردن:
9 نفر عوضولوک حقینی وئرمه یَرک استعفا ائتمیشدیلر. عوضولرین 7 سی پاسیو و هیچ بیر دلیل گؤسترمه ییب و مالی مسئولون اویه لیک حقلرینی وئرمه لرینه داییر یازدیغی مکتوبلارا دا هیچ بیرعکس العمل گؤسترمه میشلر. 2 نفر ایسه عوضولوک حقلرینی وئرمه یی مشروط قبول ائدیب و آشاغیداکی شرطلری ایره لی سوروموشدولر:
- انجومنین آدی قورولتای تشکیل تاپمادان اؤنجه دییشمه لیدیر
- تکلیف ائتدیکلری عوضولرین ایفتیخاری عوضو اولاراق قبول ائدیلمه سی
- انجومندن استعفا ائدن عوضولرین تکرار انجومنه دؤنمه لری
1-2 انجومنین عوضولریندن 7 سی آشاغیداکی دلیل لره گؤره استعفا وئریبلر:
- سایتین دیلی نین آغیرلیقلا فارسجا اولماسی
- انجومنین آدی
- انجومنه آلینان بعضی عوضولرین خصوصی یاشاملارینا اعتراض
- عوضو آلما شکلینه اعتراض
- مقاله لری نین انجومنین سایتیندا نشر ائدیلمه مه سی
- انجومنین ایداره شکلینه اعتراض
1-3 انجومنین ایکینجی قورولتاییندا 28 رسمی عوضو واردیر. بونلارین 23 قورولتایدا شیرکت ائتمیشدیر.
2- انجومنین بیرینجی دؤره ده ایداره شکلی:
2-1 انجومن ایلک رسمی قورولدوغوندا 8 نفر دبیرلر هیئتی اولاراق سئچیلمیشدی. بونلارین ایکیسی علی البدل و 6 سی رسمی عوضو ایدی. علی البدل عوضولرله رسمی دبیرلر هیئتی عوضولری آراسیندا هیچ بیرفرق یوخدو. علی البدل آدی ایله سئچیلن عوضولر ده عینی رسمی عوضولر کیمی دبیرلر هیئتی نین بوتون ایجلاسیندا شیرکت ائدیب و بوتون حقلره صاحیب ایدیلر.
دبیرلر هیئتی نین ایکی عوضوو رسمی شکیلده استعفا وئریب و بیر هیئت عوضوو ایسه عوضویت حقینی وئرمه یه رک انجومندن آیریلمیشدی.
2-2 انجومن آدینا توتولان بوتون تصمیملر، یازیلان بیانیه لر، قبول ائدیلن عوضولر دبیرلر هیئتی نین رأیی و چوخونلوغونون تأییدی ایله اولموشدور. عوضو توتما تمامأ اساسنامه نین بلیرله دیگی قانون و چرچئوه ده اولوب و دبیرلر هیئتی نین چوخونلوغونون تأییدی ایله اولموشدور.
3-2 انجومنین 4 نفرلیک تحریریه هیئتی و وظیفه لری:
سایتدا یایینلانماق اوچون گؤندریلن یازیلاری فرقلی دیللرده: اینگیلیسجه، فارسجا، آذربایجان تورکجه سینده ائدیت ائتدیکدن سونرا یازیچی سینا گؤندریلیب، تأیید آلدیقدان سونرا سایتدا نشر ائتمکدی.
تحریریه هیئتی نین باشقا وظیفه سی ده، یازیلاری محتوالارینا گؤره (انجومنین پرنسیپلرینی ایخلال ائدیب ائتمه مه لرینه باخاراق) تدقیق و سایتدا نشر ائدیلمه لرینه نظر وئرمک اولموشدور.
2-4 انجومنین ایمضاسینی داشییان مکتوبلار و یازیلارین هامیسی دبیرلر هیئتینین چوخونلوغونون تأییدی ایله نشر ائدیلمیشدیر.
3- عومومی روابیط و یا خلق ایله ایلیشکیلر:
اوچ شکیلده تحقق تاپمیشدیر:
3-1 فیس بوک طریقی ایله
3-2 انجومنین و آرادا بیر دبیرلر هیئتی نین شخصی مئیل صاندیلقارینا گلن مکتوبلار
3-3 تلفن واسیطه سی ایله
عوضو لرایله گؤروشمه لر عمومییتله تلفن واسیطه سی ایله و دبیرلر هیئتی مسئولو طرفیندن اولموشدور. فیس بوک گؤروشمه لری تبلیغات مسئولو طریقی ایله و مئیللره جواب دبیرلر هیئتی نین مسئولو، سایت مسئولو، مالی مسئول و روابط عومومی مسئولو طرفیندن اولموشدور.
تکنیکی مسئله لر خاریجنده انجومنه گلن انتقادلار، اعتراضلار و سوآللار دبیرلر هیئتی نین مشورتی ایله جوابلاندیریلمیشدیر.
بیرینجی دؤره قلم انجومنی نین ایداره سی دبیرلر هیئتی نین چوخونلوغونون 100% ایشتراکی، عوضو توتما و انجومنین آدینا توتولان تصمیملرده تأییدی و تمامأ اساسنامه نین قانونلارینا گؤره شفاف شکیلده اولموشدور.
علیرضا اصغر زاده بی:
بو گونه قده ر "دونیا قلم انجومنی"نه عوضو اولا بیلمه میشیک. بئله کی، اولار بیزی نه قبول و نه رد ائتمیشلردیر. بلکه بونون علتی ده بیزیم انجومنین آدی و عونوانی دیر، و یا سیاسی بیر دلیلی واردیر کی شاید ایرانا بو بارده توضیح وئرمه مجبوریتینده قالا. بیزیم اوچون دونیا قلم انجومنی نین انتلکتوئل جنبه سی چوخ مهم دیر. بیزلر اولاردان ایستفاده ائدیب و اؤز انجومنی میزی ایرتجاعی فیکرلردن تمیزلمه لییک. دئمه ک سؤز و دوشونجه آزادلیغینی اساس آلیب و دونیا قلم انجومنی نین مترقی اصل لرینی او جمله دن "لائیسیته" اصلی نی آذربایجان افکارعومومی سینین ایچینه آپارمالییق و عرقچیلیق، سکسیم ... ایله مبارزه آپارمالییق. بو موضوع لارا سمینارلار برپا ائدره ک گئنیش شکیلده شفافلیق گتیره بیله ریک.
سودابه خانیم اردوان:
بیز بیرینجی دفعه آذربایجان قلم انجومنی نی قوروب، اداره ائله دیک و بوگونه گتیریب چاتدیرا بیلدیک. بو ایش هئچ ده راحات اولمادی، چونکو ایکی ایل ایچینده هرطرفدن، فشار، تهمت و سو تبلیغاتا معروض قالدیق و بو شرطلر آلتیندا ایشیمیزه دوام ائله دیک. دبیرلر هئیاتی نین فیکری فرقلرینه رغمن اینانیرام کی بو وظیفه میزیی بؤیوک فداکارلیق و ایناملا قاباغا آپارا بیلدیک.
لیلا خانیم مجتهدی:
هئیات دبیرلر ایچینده اولماغیم منیم اوچون چوخ دیه رلی و باها بیچیلمه ز بیر تجروبه سایلیر. بیرینجی ایلده انجومن سایتی نین مسئولو و اونون فیس بوک صحیفه سینده دواملی حضورو اولماسینی ساغلاماق و تبلیغات آپارماق و عومومی روابیط ین مسئولو ایدیم. سونرالار اولا بیلر کی فیس بوک دا بیر صحیفه آچیب و قلم انجومنی میزین تبلیغاتی ایشلرینی اورادا قاباغا آپارا بیله ک.
شیوا فرهمند:
انجومنین مالی مسئولو، تحریریه هئیاتی عوضو و سونرآدان انجومن سایتی نین مسئولیتینی قاباغا آپاردیم. انجومن سایتینی تماما دئیشدیردیم، چونکو قاباقکی سایت یئترسیز ایدی و چوخلی وقت آپاریردی. سایتی دوزلدیب و کد لارینی یازماق ایکی آی وقت آپاردی. بوردا قئید ائله مه لییه م کی، دوستوموز محمد رضا بی اردبیلی مطلب گؤندرمک ده منه چوخ یاردیم ائله دیلر، و علاوه ائله مه لییم کی، گئچن ژانویه آییندان بوگونه قده ر انجومنین سایتینا 17 مین 400 نفر موراجیعه ائله میشدیر. دوستلارین قلم انجومنی بارده نظرلرینی بیر مسئله یه جلب ائلمه ک ایسته ییرم، بو مسئله قلم انجومنیمیزین قالماسی و تداوم تاپماسی اوچون چوخ مهم دیر:
پن سیاسی بیر تشکیلات دئیل. پن دونیا گؤروشو و دونیا باخیمی بیرلیگی یئری ده دئیل. پن ده، مسلمان دا، مسیحی ده، یهودی ده، مارکسیست ده، دین‌سیز ده، ایسته ر سرمایه‌دار، ایسته ر دیلنچی ده، بیر یئرده ییغیلیب سؤز آزادلیغی اوغروندا چالیشا بیلرلر. پن ده، عضولرین بیر- بیری ایله دوشمنلییه یئر یوخ، بیر - بیری‌نین سؤز آزادلیغی‌نین قورماغی یئری‌دیر.
دونیا پنی‌نین مرامنامه‌سینده دئیلیر: "پن عضولری هر زامان میللت‌لر آراسیندا خوش نیت و قارشیلیقلی حؤرمت نامینه بوتون تأثیر گوجلریندن استفاده ائتمه‌لی‌دیرلر: اؤزلرینی ایرقچیلیغی، صینفی و میللی دوشمنچیلیک‌لری محو ائتمک اوچون ال‌لریندن گلنی ائتمه‌گه و تک بیر اینسانلیغین یاشادیغی تک بیر دونیا ایده‌آلی‌نی یوکسلتمه‌گه حصر ائتمه‌لی دیرلر. پن عضولری مومکون اولاندا اؤز اؤلکه‌لرینده، توپلوموندا، و بوتون دونیادا وار جدیتلری ایله افاده (بیان) آزادلیغینی‌نین بوغولماسی قارشی‌سیندا دایانمالی‌دیرلار".
هئیت دبیرلردن سوآل و جوابلار:
- آراز بی فنی هرکسین اؤزونو تانیتدیرماسینی ایسته دیلر، هادی بی قاراچای و عبدالله امیر هاشمی بی ایران کلمه سینین انجومنین عونوانیندان قالدیریلماسینی ایسته دیلر. سئویل خانیم سلیمانی سورگون کلمه سینین سیاسی بیر آغیرلیغی اولوغو اوچون قالدیرلماسی لازیم دیر، دئدیلر. انجومن کلمه سینین یئرینه "درنک" کلمه سی قویولسون اؤنریسی ده اولدی کی، نتیجه ده همان انجومن کلمه سی تثبیت اولوندی.
- شیوا بی: دبیرلر هئیاتی حاقدا انجومنینی سایتیندا یئترین قده ر معلومات واردیر.
- صمد بی پورموسوی: بو مسئله یه کولتورل نظریندن باخماق لازیم. دونیایا اؤزوموزو نئجه تانیتدیرا بیلریک. تبت مسئله سی و یا اویغور مسئله کیمی. سورگون یئرینه ماهاجیر ده دئیله بیلر.
- محمد بی آزادگر: انجومنین آدینا ایستقلال و فئدرالیسم مسئله سینی قاتماماق لازم. بیز اگر سعید متین پورون آزادلیغینی ایسته ییریک بونو هانکی دولتدن ایسته ییریک بو آچیق و آیدین بیر مسئله دیر.
- حسین بی انور حقیقی: بو مسئله نی اوزآلتمامالییق چونکو قلم انجومنی نین آدی بیر "سازش" اولاراق آلینمیشدیر، یعنی بو آد بیر"اجماع" اولاراق قبول ائدیلمیشدیر. آیریجا بو آد تحمیل ده ائدیلمه میشدیر.
قورولتایین بو بؤلومونده چوخلی موباحثه لر گئتدی و حتی بعضن عصبیت فضاسی دا یاشاندی. خصوصا ایران کلمه سی بارده چوخلو حساسیت لرده واردی. سونوندا، یوخاریداکی قئید اولونان موباحثه لری بیر نتیجه یه یئتیرمک اوچون سس وئرمه اصولونا گئدیلدی و نتیجه ده انجومنین آدی و عونوانی ابقاء اولوندو.
قورولتایین ایکینجی گونو
ایکینجی گونده 21 عوضو قورولتایا قاتیلدی. بو گونده بیر نئچه تکلیف مطرح اولوب و تکلیف لر عومومی اولاراق 3 باشلیق آلتیندا بلیرله نمیشدیر.
1- عوضویت حقینین بلیرلنمه سی. بو بارده ایلده 30 یورو هر عوضو اوچون تعیین اولوندی. تورکیه و آذربایجان جمهوریتنده یاشایان عوضولر اوچون سمبولیک و مینیموم بیر مبلغ تعیین اولوندو.
2- قورولتای ایلده بیر و دبیرلرهئیتی ایکی ایلده بیر سئچیلمه لی. بئله کی دبیرلرهئیاتی نین یاری عوضولری هر ایل یئنی لنمک شرطی ایله دئیشدیریلدی. آیریجا دبیرلر هئیاتی 5 نفر اولاراق تعیین اولدو و علی البدل عضولر ایسه تماما قلدیریلدی.
3- انتخابات اساسنامه یه گؤره هر زامان گیزلی اولمالیدیر اصلی تائید اولوندی.
یئنی دبیرلرهئیاتینین سئچیلمه سی
دبیرلر هئیاتی اوچون آنجاق 3 نفر اؤزلرینی کاندید گؤستردیلر و ائله هر اوچوده قلم انجومنینین یئنی دبیرلر هئیاتی اولاراق سئچیلدیلر. خانیم آیدا امیر هاشمی، صمد بی پور موسوی و علی بی قره جه لو قلم انجومنی نین یئنی دبیرلر هئیاتی اولاراق سئچیلدیلر.
حؤرمتله
دبیرلر هئیاتی
15 سئپتامبر 2013
No comments:
Post a Comment