حسین جوان
بولبولون قلبیندن سیلینیب گئتمز،
گولشن محبتی, گول محبتی.
آشیغین هئچ زامان دوشمز دیلیندن،
وطن محبتی, ائل محبتی.!
وورغونویام ساکیت آخان سولارین،
آزاد دیلک‌لرین, صاف دویغو‌لارین،
دوست‌لار قلبینده‌کی عشقین, ایلقارین،
گئتمز اورگیمدن بیل, محبتی.!
من اوُزوم فرهادام, وطنیم شیرین،
قوینومدا بسله‌دیم من شیرین- شیرین،
قند‌دن ده شیرین‌دیر, بالدان دا شیرین،,
آنا محبتی, دیل محبتی!
کؤنول آغلاسا دا, یادا باش اگمز،
یاد وئرن آتلاسی, خارانی گئیمز،
محبت عاشیقی هئچ زامان دئمز،
حسین, اورگیندن سیل محبتی!
No comments:
Post a Comment