رقیه کبیری
«دالّ« دا قادین‌دیر، «مدلول» دا
دانیشماسا دا دیل‌دیر،
نیشانه‌لرله دولو، اینتظاملی بیر قورولوش.
دوغونون دیل جمعّیتی
باش حرم‌ده، باش توتوب قادینی؛
پرده آرخاسی،
سود آناسی،
قاری ننه‌سی،
کوپ قادینی…
باش حرم‌ده، باش توتوب قادینی؛
پرده آرخاسی،
سود آناسی،
قاری ننه‌سی،
کوپ قادینی…
باتی‌نین دیل جمعیّتی
اینجه صنعت‌ده،
دوشونجه‌ده دانیشیب قادینی
«بوواری» مادام،
«دالووی» مادام،
«توسو» مادام…*
و قارا قارّه‌نین دیلی،
قوش کیمی قاناد سالدیریب،
قاطیر کیمی دیرناق تؤکدوروب قادینی
قانی قاشیقجا‌دیر،
اَتی آشیقجادیر قادینین
«بوکو حرام» دانیشیر قادینی…
قوش کیمی قاناد سالدیریب،
قاطیر کیمی دیرناق تؤکدوروب قادینی
قانی قاشیقجا‌دیر،
اَتی آشیقجادیر قادینین
«بوکو حرام» دانیشیر قادینی…
«دالّ» دا قادین‌دیر، «مدلول دا»
دانیشماسا دا
هر جمعّیتین کولتورل دیلی‌دیر قادین!
۱۳۹۳٫۱۲٫۱۳
دانیشماسا دا
هر جمعّیتین کولتورل دیلی‌دیر قادین!
۱۳۹۳٫۱۲٫۱۳
*توسو مادام: مومدان هئیکل دوزلدن قادین، ۱۸- جی عصرده.
No comments:
Post a Comment