ماتی میخاناسی
نئچه وقتدی
ایستیرم تبریز کانالینا گؤره بیر رساله یازام، آما اوقدر سؤز چوخدو کی آدام بیلمیر
هاراسیندان یازسین. باشلیرم یازماغا گؤراخ هارا چاتیر.
بیر زمانلار
واریدی، تبریز شبکه‌سی هفته ده اوچ دؤرد ساعات جومعه گونلری پخش اولاردی. اوشاخلار
اوچون «اسلام غونچه‌لری» برنامه‌سین گؤرسدردی کی بیزده «کوللوح سئرچه‌لری» دییه‌ردوخ!
او زمان هردم بیر تورکی دوبله فیلم سالاردی. نم نیه او زمانین اوچ دؤرد ساعات
برنامه‌سی بیزه چوخ یاپیشاردی، بلکه ائله تبریز شبکه‌سینین گرح بو بئله برنامه‌سی اولئیدی!
.
تبریز کانالیندا برنامه‌لرین آدینین بیر فرمولی وار: سحرلر، ناهارلار، آخشاملار، گئجه‌لر. بولار هامیسی بیر طرفه، گئجه‌لر برنامه‌سینین اؤزونون بیر مخصوص فرمولی وار: بیردانا شیت مجری، یانیندا بیر نفر پارازیت یوللویان کی آرادا بیر گلر بیراز دوشابلانار، آدی دا هوشو دان، مش ایسماییل دان، مش قدرت‌دن زاتدان اولار. هردم ده تاماشاچیلارین نئچه‌سین چاغیرارلار قاباخدا سفئهله‌درلر کی دیلخوشلوخ چیخسین. اولان یورولمادیز بو برنامه‌لردن؟
.
طرف مریخه روبات گؤندریر، اوردان فیلم گؤتورور، اوتورورلار پخش مستقیم مریخه باخیرلار هئش ارتباطلاری دا کسیلمیر. بوردا دا تبریز کانالیندا اوتورارسان بئش دیقه توپا باخاسان، ایشین لاپ او حساس یئرینده گؤررسن بیر نفر موتورونان گلیر! آدام دییه‌ر بس ممد ابراهیمی F14 دن یئنیب، آتیلیب موتورا مئیداندا ویراژ وئریر. سورا گؤررسن مجری گلدی: عزیز و حؤرمتلی تاماشاچیلار، ارتباطیمیز کسیلدی، بیراز موتورسواری صحنه‌لرینه باخین، ارتباط برقرار اولماغینان گئداخ استادیوما! یا دا کارشوناس برنامه‌نی دانیشدیرار: «در ۱۰ دقیقه ایبتیدایی بازی بازیکونان تیراکتور حمله ائله‌دیلر، در ۱۰ دقیقه بعدی بازیکونان حریف ... بلی عزیز وحؤرمتلی تاماشاچیلار، ارتباط گلدی گئداخ استادیوما». گئده ***دیز آغزیمیزی!
.
فوتبال گزارشی ده کی آیری عالمدی. بیر زمان معصومیان اؤزونه گؤره بیر پدیده ساییلاردی: «جدال بر سر یک توپ گرد»، «توپ رو مشایعت میکنه»، «یه شوت بی‌هدف و توی دروازه»! سورالار تازا پدیده‌لریمیز گلدی کی دا آد وئرمیرم، آما بوردان موشتابا ساعیه سلام گؤندریرم، تبریز کانالیندا بیر اونون خاطیرین ایسترم.
.
تبریز کانالی اؤزو کی هئش، او میکروفونوندا دا نم نمنه وار کی هر کیمه توتسان اؤز دیلین ایتیریر هئش بللی اولمور فارسی دانیشیر یا تورکی دانیشیر. طرف گئدیب کندده سوروشور: بو اوتلاری نیه یاندیریبسیز؟ جواب وئریر: «به خاطرِ حیواناتلاردان اؤتورئ». اولان اؤز دیلیوی دانیش دا، بیز هاواخ بوجور قیرجاناروخ؟!
.
.
تبریز کانالیندا برنامه‌لرین آدینین بیر فرمولی وار: سحرلر، ناهارلار، آخشاملار، گئجه‌لر. بولار هامیسی بیر طرفه، گئجه‌لر برنامه‌سینین اؤزونون بیر مخصوص فرمولی وار: بیردانا شیت مجری، یانیندا بیر نفر پارازیت یوللویان کی آرادا بیر گلر بیراز دوشابلانار، آدی دا هوشو دان، مش ایسماییل دان، مش قدرت‌دن زاتدان اولار. هردم ده تاماشاچیلارین نئچه‌سین چاغیرارلار قاباخدا سفئهله‌درلر کی دیلخوشلوخ چیخسین. اولان یورولمادیز بو برنامه‌لردن؟
.
طرف مریخه روبات گؤندریر، اوردان فیلم گؤتورور، اوتورورلار پخش مستقیم مریخه باخیرلار هئش ارتباطلاری دا کسیلمیر. بوردا دا تبریز کانالیندا اوتورارسان بئش دیقه توپا باخاسان، ایشین لاپ او حساس یئرینده گؤررسن بیر نفر موتورونان گلیر! آدام دییه‌ر بس ممد ابراهیمی F14 دن یئنیب، آتیلیب موتورا مئیداندا ویراژ وئریر. سورا گؤررسن مجری گلدی: عزیز و حؤرمتلی تاماشاچیلار، ارتباطیمیز کسیلدی، بیراز موتورسواری صحنه‌لرینه باخین، ارتباط برقرار اولماغینان گئداخ استادیوما! یا دا کارشوناس برنامه‌نی دانیشدیرار: «در ۱۰ دقیقه ایبتیدایی بازی بازیکونان تیراکتور حمله ائله‌دیلر، در ۱۰ دقیقه بعدی بازیکونان حریف ... بلی عزیز وحؤرمتلی تاماشاچیلار، ارتباط گلدی گئداخ استادیوما». گئده ***دیز آغزیمیزی!
.
فوتبال گزارشی ده کی آیری عالمدی. بیر زمان معصومیان اؤزونه گؤره بیر پدیده ساییلاردی: «جدال بر سر یک توپ گرد»، «توپ رو مشایعت میکنه»، «یه شوت بی‌هدف و توی دروازه»! سورالار تازا پدیده‌لریمیز گلدی کی دا آد وئرمیرم، آما بوردان موشتابا ساعیه سلام گؤندریرم، تبریز کانالیندا بیر اونون خاطیرین ایسترم.
.
تبریز کانالی اؤزو کی هئش، او میکروفونوندا دا نم نمنه وار کی هر کیمه توتسان اؤز دیلین ایتیریر هئش بللی اولمور فارسی دانیشیر یا تورکی دانیشیر. طرف گئدیب کندده سوروشور: بو اوتلاری نیه یاندیریبسیز؟ جواب وئریر: «به خاطرِ حیواناتلاردان اؤتورئ». اولان اؤز دیلیوی دانیش دا، بیز هاواخ بوجور قیرجاناروخ؟!
.
No comments:
Post a Comment