سخاوت عزتی(عندلیب)
یئنه داش
دیبینده گؤیردی دیشه
شاختا دا قورتاردی، قیش دا قورتاردی.
حزین نفسی‌یله دئییر بنؤوشه
آچین قاپی‌لاری گلن باهاردی!
شاختا دا قورتاردی، قیش دا قورتاردی.
حزین نفسی‌یله دئییر بنؤوشه
آچین قاپی‌لاری گلن باهاردی!
هر بوداق
باشیندا بیر دسته گول وار
گوللرین اوستونده نه گل‌هاگل وار
قدیم بابالاردان بئله مثل وار:گوللرین اوستونده نه گل‌هاگل وار
سویوغون شاختانین مئیدانی داردی
آچین قاپی‌لاری گلن باهاردی!
یاستی چمن‌لرده
اوتلاییر قوزو
بولاقلار باغرینا باسیب یارپیزی
دوشون! داغ دؤشونده اری‌ین بوزو
هر بیر قارانلیغین دان‌یئری واردی
آچین قاپی‌لاری گلن باهاردی!
بولاقلار باغرینا باسیب یارپیزی
دوشون! داغ دؤشونده اری‌ین بوزو
هر بیر قارانلیغین دان‌یئری واردی
آچین قاپی‌لاری گلن باهاردی!
«عندلیب»
بو گلن نه خوش قوناقدی
طبیعت یولونا چیچک‌لر یاغدی
هایقیران دره‌دی، کیشنه‌ین داغدی
دئمه نه‌های-هارای نه شارهاشاردی
آچین قاپی‌لاری گلن باهاردی!
طبیعت یولونا چیچک‌لر یاغدی
هایقیران دره‌دی، کیشنه‌ین داغدی
دئمه نه‌های-هارای نه شارهاشاردی
آچین قاپی‌لاری گلن باهاردی!
No comments:
Post a Comment