ماتی میخاناسی
"پوتا قیز" دانشگاهین حیه‌تینده صندل اۉستۉنده اوتوروب کیتاب اوخویوردو کی باشینین اۉستۉنه بیر کؤلگه تۉشدو. باشین قالخیزدی اۉسته گؤردو بیردانا اوغلان وار:
{اوغلان} خانیم گۉزشت ائلین، بیر لحظه وقتیزی توتا بیله‌رم؟!
{پوتا قیز} کلیشه سؤزلر، تیکراری تاکتیک‌لر. اَه آدامین حالین کؤرلورسوز!
{اوغلان} بلی؟ نه بویوردوز؟
{پوتا قیز} هئشزاد! امریز اولسون ...
{اوغلان} عرضیمیز اولار! واللاه من نئچه وقتدی سیزدن بتر خوشوم گلیب، ایستیردیم ایمکانی اولسا، سیزینن تانیش اولام.
{پوتا قیز} من‌نن خوشون گلیب؟ نیه؟ من کی قیرجانا قیرجانا دانیشمیرام. اندامیم باربی دییل. بورنوم عمل اولمویوب. تۉهلریمه ساپ ساری رح قویمامیشام. کلیپسیم یوخدی، ساپورت گییمه‌میشم!
{اوغلان} ائله منده اونا گؤره سیزدن خوشوم گلیب دا.
{پوتا قیز}آها! پس اؤجۉر. باخ او مانکن قیزا! او دو با اوردان گئدیر ... یانی سنین اون‌نان خوشون گلمیر؟...
{اوغلان} هانی؟ هانکی قیز؟ هانی؟ هاردا؟!
{پوتا قیز}ائله بودو دا. گؤردۉن؟ مانکن آدی ائشیتدین گؤزلرین ایشیلدادی! "لانا تورنر" دییر کی: A gentleman is simply a patient wolf
{اوغلان} جان؟! یانی نمنه؟ بو تورنر کیمدی هله؟
{پوتا قیز} هئشزاد هئشزاد! اؤتۉر. زاتن سیزلر آنجلینا جولی دن سورا آیریسین تانیماسیز کی. تۉرکۉسو دییر یانی سیز کیشی‌لر هاممیز بیر بئزین قیراغیسیز!
{اوغلان} آمما من اؤجۉر اوغلان دییلم، اصلن آیری نییّتیم یوخدو!
{پوتا قیز}ایندی حتمن سورا دا ایستیرسن دییه‌سن "منیم قصدیم جیددی دی"! هه؟
{اوغلان} بلی ... دقیقن!
{پوتا قیز} وااااااااای! نه گؤزل! ایندی ده حتمن اینتیظارین وار من سئوینماخ‌دان قانات چیخاردیب اوچام دا؟! بح بح! منه ائلچی گله‌جاخلار! مامانیم دییه‌جاخ "قیز دو بیرآز اؤزۉوه یئتیش آخشام ائلچین وار". منده بزه‌نیب، دۉزه‌نیب چیخاجام قاباخلارینا. چای گتیره‌جام، قئین آنا، بالدیز منیم بویون بوخونوما باخالار! توتوب اۉزۉمدن اؤپه‌جاخلار گؤره‌لر آغزیمدان ایی زات گلمیر؟! مامانیم منیم هۉنرلریمدن دییه‌جاخ.خولاصه باخاجاخلار، بَیه‌نسه‌لر منی "آلاجاخلار" اوغول‌لارینا. "بازاردان آلدیم سوغانی / او سوغانی بو سوغانی / یاشاسین اوغلان دوغانی"!! هه؟؟ بودو دا؟!
{اوغلان} خانوم منیم اصلن توهین قصدیم یوخیدی. بۉلمۉردوم نارحات اولاجاخسیز!
{پوتا قیز} یوخ. سنده گۉناه یوخدو کی. گۉناه جامعه ده ... زهلم گئدیر بو "جامعه‌ی مردسالار زن‌ستیز" دن!
ماتی میخاناسین بورالاردان تاپین
Telegram:
Instagram:
No comments:
Post a Comment