صبریم آلیب فلک، منه یوز مین بلا وئره ر
آز اولسا هر متاع، اونا
ائل چوخ بها وئره ر
دوشدیک بلای عشقه خردمند
عصر ایکن
ائل شیمدی منده ن آلدیغی
پندی مانا وئره ر
(حکیم فضولی)
ملتیمیزین شرفلی اولادی
«میر علی سید سلامت» ین مبارزه دولو حیاتی سونا چاتدی.
آذربایجانیمیزین تانینمیش
شخصیتی، خالقیمیزین میتولوژیسی، کئچمیشی و وارلیغی ایله مشغول اولان میر علی سید
سلامتی، آبان آیی نین 22 سینده ایتیردیک.
میر علی سلامت ملتینه
باغلی بیر یازیچی و تدقیقاتچی ایدی. اونون بهره لی حیاتینین بیزه یادگار قویدوغو
اثرلرده ن، «بایاتی اسطوره باخیمیندان»، «مقدمه ی رساله‌ای در میترائیسم»، «ساری
گلین»، «حاجی زاده‌نین یاشاییشینا بیر باخیش»، «اصلی - کرم»، «کتاب دده قورقود- قورد
رب‌النوعونون گزارشی تانریلار توپلومونا-» و «زبان چیست؟» کیتابلارینی آد آپارماق
اولار. عین زماندا اونون قلمی، خالقیمیزین مدنیت و کولتور خزینه سینه اونلار دیرلی
مقاله بخش ائتمیشدی.
میر علی سلامت حیاتی بویو
خالفینین اسلام جمهوری و فارس شوونیزمی نین باسقی سی آلتیندا یاشاماغینا شاهد
اولدوغو اوچون، ملتی نین آزادلیغی و ملی حقلری اوغروندا مبارزه ده ن چکینمه میش و
بو یولدا انسانلیغین اوز قاراسی اولان اسلامی رژیمین زندان لاریندا اون بئش ایل حیاتینی
آغیر شرطلر آلتیندا کئچیرمه یه مجبور قالمیشدی.
لاکن بوتون شکنجه لر، تضییق
لر و باسقی لارا رغما، حق بیلدییی یولدان دؤنمه میش و حیاتیتن سون گونونه کیمی،
شرفله و آنلی آچیق یاشامیشدی.
میر علی سلامت ین جنازه
تؤره نینه قاتیلان یوزلر آذربایجانلی نین، اونون خاطیره سینه گؤسته ردیکلری سایقی
و ایلگی، بو وطن اولادینین ملت گؤزونده نه قدر دیرلی اولدوغونو گؤسته ردی.
آذربایجان ملتی مبارز و
شرفلی اولادینی ابدیت یولوچولوغوندا، اونون شانینه لایق بیر مراسم ده، ساز و سؤز ایله مشایعت ائتدی.
آذربایجان ملتی، حیاتینی
سوسیال عدالت سیزلیگه قارشی مبارزه ده باشا وئره ن آزادلیق سئودالیسی میر علی سید
سلامت ین آدینی، مبارزه دفترینده حک ائمیش و خالقیمیزین آزادلیغا قووشدوغو گون، یوزلر
دیگر وطن پرور آذربایجانلی قهرمان اولادی کیمی، اونون هئیکلی نینی ده آزاد آذربایجانین
شهرلری و قصبه لری مئیدانلاریندا برپا ائده جکدی.
No comments:
Post a Comment