س. حاتملوی
یاپیش الیمده ن گیزلیجه
قوی بیرده سئوگی ده ن دانیشاق.
ساواشدان، شدت ده ن، نفرت ده ن
دانیشماق ایسته میره م.
ایزله منی،
قوی جالاسین سئوگی سئوگی یه،
محبت ده ن، دوستلوقدان، باریشدان،
جهالت ده ن یوخ...
بیرده آیدینلیقدان دانیشماق ایسته ییره م.
اؤلومده ن، خسته لیکده ن، ساواشدان یوخ،
سئوگی ده ن دانیشماق ایسته ییره م.
قوی سئوگی ده ن سیزلاسین اوره ک لر،
شاعیرلر شعر یازیب،
عاشیقلار وئرسین سس- سسه،
سئودا دان، محبت ده ن، سیرداشلیقدان،
بیرده مین کره
سئوگی ده ن، سئوگی ده ن، سئوگی ده ن...
دانیشماق ایسته ییره م.
No comments:
Post a Comment