May 3, 2014

و بیر ده کی . . .

سعید موغانلی

و بیر ده کی، . . .
منه باغیشلا بو عشقین کاسیبلیغینی!
و قس علی هذا
عشق اوجوزلامیش اوستو اؤرتولو قایسارادا
آغیزلارا دارانمیش آلفابئت آنالار
سئوگی آجلیغی ائتمیش عیسی‌نین آناسی مریم
موسی‌نین اؤکوزو مله‌میش
یاشیل موغان قزئتینده
خلیج شیخ‌لاری باهالاتدی نفتی، سئوگی قارشیسیندا
دوللار توماندان قالخمیش عرشه دوغرو
و بیر شاعیر سئوگی آلماغا پولو چاتمادی.
و بیر ده کی منه باغیشلا بو کاسیبلیغی
و قس علی هذا

  قایناق:
Isiq.net

No comments: