.jpg)
وُلقادا اُ تایا، بو تایا باخدئم،
عکسیم سویا دوشدو -
سولاردا آخدئم…
آرازدا چیمنده سن لاپ اوشاق‌دئن…
آرازا اُخشامئر بو چایئن رنگی،
آه، صمد بهره‌نگی، صمد بهره‌نگی !
سن می گوجسوز ایدین، آرازمئ درین؟
دردی نه بؤیوک‌موش اُ ساحیل‌لرین !
دؤزدون ذلتینه آغئر ایل‌لرین !
آلنئندا گنج‌لیگین اومید چلنگی،
قلبینده آرزولار …صمد بهره‌نگی !
سولارا باخئردئم سانکئ آرازدئر…
اوزورسن...
سو ایستی...
ساحیل‌لر دایازدئر…
بس بو نه تلاش دئر؟
آنلاشئلمازدئر….
دِ، نی‌یه ده‌ییشدی چاتیئن آهنگی؟
نه اُلدو؟ نه اُلدو، صمد بهره‌نگی؟
نه کُل وار توتماغا ، نه بیر سال قایا…
توفام‌مئ باشلادئ؟ نه اُلدو چایا؟
بس نی‌یه گلمه‌ییر هِچ کس هارایا؟
دهشت‌میش حیات‌لا اؤلومون جنگی…
آراز هانئ اُ گنج، صمد بهره‌نگی؟
ایلک قارانقوشویدو اُ ایلک باهارئن،
بُغولدو چنگینده قارا سولارئن…
قلبیمده آغرئ وار…
سینه‌می یارئن،
آسئين اُرادا بیر بوخن‌وال زنگی !
دِسین آراز بُیو : صمد بهره‌نگی !
No comments:
Post a Comment