Aug 18, 2018

سحر اوزاقدا دئییل!

سحر خیاوی

«
دانیشدیغینی توپور!»-دئدیلر،
توپورمه‌دیم؛
ایچیمده بیر محبس یاراتدیم
دریندن درین،
بئش آیاقلی چایان* اولدو ساغ الیم؛
نیفرت زَهَری یاغدیریر ایچیمه گئجه گوندوز یارالی بارماقلاریم.
گؤرسه‌یدینیز نئجه دوستاقیمین دووارینا
گونَش ناخیشلاییر دیرناقلاریم؟!
بیر دئشیک ده آچمیشام هله،
گئنیش گؤی چؤکور اوردان گؤزلریمه؛
اولدوزلارلا آی قوناق گلیر
نَملی دوستاقیما گیزلیجه.
بیر قوش موتلو اوخویور یاخینلاردا قاناد چالا-چالا:
– «
سحر» اوزاقدا دئییل!!
– «
سحر» اوزاقدا دئییل!!
*چایان:عقرب

قایناق:  

No comments: