Jul 9, 2014

کیان خیاو “میکائیل مشفق” موکافاتینی قازاندی

بیلدیریش
تانینمیش آذربایجان شاعر و یازیچیسی جناب “کیان خیاو”ا، بو ایل آذربایجان یازیچیلار بیرلیگی‌ طرفیندن میکاییل مشفق موکافاتی وئریلمیشدیر.
هر ایل (بئش ایلدن بری)اییونون ۵ینده (خردادین ۱۵ینده) آذربایجان یازیچیلار بیرلییی طرفیندن کئچیریلن بین‌الخالق شعر گونو قورولتایینا دونیانین مختلف اؤلکه‌لریندن شاعر و یازیچیلار دعوت اولور. بو ایل، ایلک دفعه اولاراق ایراندان، کیان خیاو دعوت اولوب و قورولتایین کئچیریلدییی باکی بین‌الخالق موغام مرکزینده بو موکافاتا لاییق گؤرونموشدور. کیان خیاوین اوردا چیخیشی دا اولوب و دونیانین بیر چوخ تانینمیش ادبیاتچیلارینین آراسیندا مدرن شعر و ادبیاتلا باغلی اؤز دوشونجه‌لرینی اورتایا قویموشدور.
بیز بو نائلیتی حؤرمتلی شاعر و یازیچیمیز کیان خیاو جنابلارینا تبریک دئییر و اونا داهادا یارادیجیلیق اوغورلاری آرزو ائدیریک. کیان خیاوین بو قورولتایدا وئردیگی موصاحیبه‌نی عزیز اوخوجولارا تقدیم ائده‌جه‌ییک.
ishiq.net
 

No comments: