"سنى قورتوم- قورتوم دئييل، داملا-داملا ايچه‌جگم"

خورامان حوسئين‌زاده - آراشدیران: میارلی

تورکيه جومهوريتى تاريخينده سيلاحلى قووه‌لرين رهبرليگى ايله اوچونجو آچيق موداخيله اولان 12 سئنتيابر حربى چئوريليشى و يا 1980 قيامى حاقدا تورک ادبياتى‌‌نين ان اؤنملى ايمضالاريندان اولان گولتن آکين "42 گون" آدلى کيتاب يازير. بو گون گنج نسيل اوچون 12 سئنتيابر 1980-جى ايل حاديثه سى‌‌نين بير آنلامى اولمايا بيلر. آما او گونلرى خاطيرلايانلار اوچون همين تاريخ عاغيللارا آيلارلا داوام ائدن حبسلر، ايتکيلر، آغلاگلمز ايشگنجه اوصوللارى و اعداملار گتيرير.

گولتن آکين "42 گون"ده حبسخانالارداکى 12 سئنتيابر هوجوملارينا قارشى باشلاديلان و 42 گون داوام ائدن آجليق آکسياسينى سون درجه اوستاليقلا گؤسترير. 12 سئنتيابر عسگرى ضربه‌سى مينلرله محبوس اوچون ايشگنجه و ظولم دئمک ايديسه، باييرداکيلاردان اؤترو ده باشقا بير ايشگنجه‌يدى...

بؤيو

بؤيو، آتان سنه

بؤيو،

عذابلار آلاجاق.

بؤيو، آتان سنه

بؤيو،

يوخلوقلار آلاجاق.

بؤيو، آتان سنه

بؤيو،

بيتمز ايشسيزليکلر، آجليقلار آلاجاق،

بؤيو،

بؤيو، آتان سنه

هوجوملار، ايشگنجه‌لر آلاجاق،

قانداللار، حبسلر، محبسلر آلاجاق.

بؤيو،

بؤيويوب اون يئددينه گلديگينده

بؤيو، آتان سنه

اعداملار آلاجاق.

اؤز اوغلو مورات جانکوچاک دا محبسده اولان گولتن آکى‌‌نين "42 گون" آدلى کيتابيندا قيسا حکايه‌لرى، ائسه‌لرى (مقاله‌لرى) ايله ياناشى، قيامدان سونرا حبسخانا‌‌نين ان آغير گونلرينده ايچريده‌کى‌لر کيمى باييرداکيلارين دا ياشاديغى عذابلارين بديعى تصويرى يئر آليب. مورات جانکوچاک آنکارادا بير بانک سويغونونا قاتيلديغى ايديعاسى‌ ايله حبس ائديلميش، سونرا آمنيستيايا دوشموشدو. آکين سونرالار "کيتابى بير داها بئله حال ياشانماسين، اينسا‌‌نين اينسانا ظولمو بيتسين، بير داها بو جور کيتابلار يازيلماسين دئيه يازديم" دئيه‌جک ايدى...

آکين او گونلرى هم بير شاعير، هم ده آنا کيمى تصوير ائدير:

"آنا ايديک. اوغوللاريميزين، قيزلاريميزين ياتديغى حبسخانالاردان گؤروشلردن چيخارديق...او آجليق گونلرينده داغيليشيب گئتمگى دوشونمه‌ديک. بيرليکده قالديق. قاچديق يوللاردا. آوتوبوسلارا دولوشوب گئتديک بؤيوک قاپيلارداکى يئتکيليلرله گؤروشمگه. ديلکلرده، سايسيز پوللاردا اوميد آراديق."

کيتابداکى سون حکايه گؤروشه گئدن بير قادينلا دؤرد ايلدير آتاسينى ساده‌جه گونلرده گؤرن، دؤرد ياشيندا بير اوشاغين سفريندن دانيشير:

"نه گؤزل بؤيويورسن، داها دا بؤيويه‌جکسن، او زامان..." دئيير آناسى. اوشاق آرايا گيرير: "من بؤيومک ايسته‌ميرم. بؤيوک قارداش اولماق ايسته‌ميرم. آتا اولماق ايست‌ميرم. حبسه آتيلماق ايسته‌ميرم".

آکين قيامين، حبسخانالارين، ايللرله حبسده ياتما‌‌نين و باييردا گؤزله‌مه‌‌‌نين يوکونون آغيرليغينى، بير اوشاغين ديلينده آختارير. و تانرييا اوز توتور:

هئى تانريم، بو چوجوکلار چوجوکلاريميز بيزيم،

بونجا ايل هانسى داشى اورايا قويسان

باپبالاجا اولار.

بونجا ايل هانسى قوشو

بيزه حوزنلو گؤروشلر، نازيک هؤرگولر،

بئتون کؤلگه‌لر باغيشلايان

بونجا ايل هانسى بير قوشو؟..

اؤلور، اؤلور، اؤلور،

آنلاميرسانمى؟

يوخمو سنين اوغلون، قيزين؟

تورک شعرى‌‌نين آناسى

گولتن آکى‌‌نين شعرلرى‌‌نين آنا خطينى طبيعت، عشق، آيريليق، حسرت تشکيل ائدير. آنجاق سونرالار جمعيتده باش وئرن حاديثه لر اونون ايجتيماعى-سياسى ليريکاسيندا داها قاباريق شکيلده اؤز عکسينى تاپير. 80-جى ايللرين اوللرى خالقين ياشاديقلارى اونون هم حياتينا، هم ده شعرلرينه يانسى‌يير.

ياغمورلو

اوزاغى نه زامان دوشونسم آيدينليق،

بوردا گئجه‌لر قالدى، سن گئتدين

منيمله

گئجه‌يله يوخو، سويلا يوسون کيمى

اولدوغونو بيلمزسنمى؟

اوزاق و بياض شهرلردن

بير اينجه ياغمورلا گلرسن

گئجه گؤزتچيسينى کوچه‌دن

قريبى ياتاغيندان گؤتوروب گئدرسن،

بير حکايه بيلر، سؤيله‌يه‌رم.

دوست اولدوزلارا قارشى و صاباحا دوغرو

بو حکايه‌‌‌نين بير اوجو سنده‌دير

خيلاص ائتمک ايسترم سنى،

ايسترم خيلاص ائدم، ايسترم،

بوتون چرپلنگلرين ايپى الينده‌دير.

گولتن آکينا تورک پوئزيياسي‌‌نين آناسى دا دئييرلر. جمال ثوريا دا اونو شعرين آناسى اولاراق تانيديغينى دئييردى. ايجتيماعى ليريکاسى ايله داها چوخ ضيالى و ائليت طبقه‌‌‌نين ذؤوقونه خيطاب ائدن گولتن آکى‌‌نين ياراديجيليغيندا ايکينجى يئنى آدلى جريا‌‌نين بوتون ايزلرينى گؤروروک. شعرلرى اوخوجولارين اورگينى سيزلادير، يالنيز بير شاعير اولاراق دئييل، بوتون حياتى بويونجا يازديقلارييلا نه قدر حّساس و گؤزل قلبلى بيرى اولدوغونو بوتون وارليغيميزلا حيس ائديريک.

رئلسلر

بورولان يوللار، قاتار

بير گون

اوميد ائتمه‌ديگيم بير گون

آلاجاقلار سنى مندن.

نه‌لر آلديغينى بيلمه‌يه‌جک

دوشونمه‌يه‌جکسن.

بلکه دؤنه‌جکسن

دوشرکن اولدوزوم بير سرو کؤلگه‌سينه

بلکه ده عؤمور بويو گؤزلده‌جکسن.

ايلک زفران چيچگيله گل

نه وار کى، دونيادا

ايتيريب تاپماقدان گؤزل؟

دئمه‌سى آسان، آما

ائله يانير، يانير کى، ايچيم

بير قريب چؤل يولجوسو کيمييم.

دويماق اوچون سوسوزلوغونا

سنى قورتوم-قورتوم دئييل،

داملا-داملا ايچه‌جگم.

گولتن آکى‌‌نين شعرلرينده هر کس اؤزونو، اؤز طالعينى گؤره بيلير. شاعير اوچون ان بؤيوک خوشبختليک ائله بودور- هر کسين قلبينه يول تاپماق، اوخوجولارين طالعينه بيگانه قالماماق…

کسديم قارا ساچلاريمى

کسديم قارا ساچلاريمى، نولاجاق ايندى؟

بير شئى اولمادى، سينايين لوطفا،

آيدينليغام، دلييم، روزگارلييام

گونايدين اريگى ترپه‌دن يئل،

خيلاص اولانلارا، ديريلنلره گونايدين!

ايندى چاشيرام بير دسته ايگنه‌نى

بير حيات ايله قارشيلايانلارا.

گئتديم، گلديم، قارا ساچلاريمدان خيلاص اولدوم.

"ياشايان ان بؤيوک تورک شاعيرى"

فاضيل حوسنو داغلارجا وفات ائتديکدن سونرا 1967- جى ايلده اولوسلارآراسى شعر فورومو طرفيندن "ياشايان ان بؤيوک تورک شاعيرى" سئچيلميشدى. ادبيات جاميعه‌سى داغلارجا‌‌نين وفاتيندان خئيلى سونرا بو آدى کيمين آلاجاغينى موزاکيره ائتمگه باشلايير. يازيچيلار، شاعيرلر، تنقيدچيلر و مدنيت، صنعت ساحه سينده چاليشان رئداکتورلار بو آدين يئنى صاحيبى‌‌نين کيم اولاجاغينى سئچيرلر. 50 نفردن عيبارت ژورى‌‌نين سئچديگى آدلار گولتن آکين، هيلمى ياووز، عاريف دامار، عصمت اؤزل، کوچوک ايسکندر، سئزآى کاراکوچ، موراتهان مونگان، لاله مولدور، آحمت گونتان و بيرهان کسکين ايدى. کيميلرى ده بو ستاتوسا لاييق اولا بيله‌جک شاعير اولماديغينى سؤيله‌يير.

سسلرين چوخونو ييغان گولتن آکين، بؤيوک فرقله "ياشايان ان بؤيوک تورک شاعيرى" سئچيلير.

پايلاشيم

کدرينى منيمله ديرهم- ديرهم

پايلاشان قونشوم

سئوينجلرين وارمى، هارادا،

نييه اونلارى هئچ بيلميرم؟

-1956جى ايلده ايشيق اوزو گؤرن ايلک شعر کيتابى "روزگار ساعاتى"ندان برى ويجدانى، مسئوليتى، حساسليغى و اينجه‌ليکلرى اؤز پوئزيياسيندا اريدن، ياشادان گولتن آکى‌‌نين محبت ليريکاسى صميميليگى ايله سئچيلير…

تورکيه‌‌‌نين چوخ اوخونان و سئويلن شاعيرى گولتن آکى‌‌نين شعرلرى بير چوخ ديله چئوريلير. بسته‌کارلار، موغنى‌لر اونون شعرلرينه بيگانه قالا بيلمير و قيرخدان چوخ شعرينه ماهنى بسته‌لنير.

دلى قيزين تورکوسو

سنه بؤيوک کوچه‌لرين بيرينده راست گلسم،

اليمى اوزاتسام، توتسام، آپارسام،

گؤزلرينه باخسام، گؤزلرينه، دانيشماساق

آنلاسان،

اليمى اوزاتسام توتا بيلمه‌سم.

اولان سئوگيمى، يالقيزليغيمى

دوشونسم، يوخ، دوشونمه‌سم،

سنين هئچ خبرين اولماسا

سنين هئچ خبرين اولماز کى،

باشلايار، بيتر اؤز-اؤزونه او تورکو.

ياغمور ياغار، آکاسييالار ايسلانار،

بولودلار اوچوشار گئجه‌لر.

من ياغمورا دلى، بولودا دلى،

بير بؤيوک اويون ياشاماق دئديگين

منى يا سئومه‌لى، يا اؤلدورمه‌لى.

ايتيرمه‌لى بؤيوک يوللارين بيرينده نه وارسا،

بؤجکلر کيمى باشلامالى يئنيدن.

بو آللاهسيز، بو ياغمور توتمايان قارانليقدا

يان قريبليگين، اورک، يان،

گئتدى گئدن.

آکين حياتى بويونجا شعردن باشقا ادبى ژانرلارا ماراق گؤسترمير. يالنيز اونون قلمه آلديغى يئددى قيسا تاماشاسى اؤزوندن سونرا ياديگار قالير. يازديغى تئاتر متنلرى ده قادين، ائوليليک، طالع مؤوضوعلارى اوزرينده قورولور. و شعر يازماغى بير مارال اووونا بنزه‌دير گولتن آکين :

"شعر يازماق گئييک، اوولاماقسا اگر، اؤلدوکدن سونرا اوولانماليدير ماراللار. يعنى ياشانانلار سويودوقدان سونرا يازيلماليدير. حياتى يوخ ائتمه‌ديکجه شعرى وار ائده بيلمزسينيز. حياتداکى او جانليليغى، ترپنمه‌ين نسنه‌نى يوخ ائده‌جکسينيز - او بيرى طرفده وار ائتمک اوچون.

هم گنج بير قادينکن، هر کسى سيزين سيرلرينيز، گيزلينلرينيز ماراقلانديرار. بو اوزدن بو گونه قدر سيرلريمى هميشه ساخلاديم، اونلارى قورودوم. ذاتن سيررينيز اولماسا، يازا بيلميه‌جکسينيز. آما ايندى ايپ‌اوجلارى وئرمگى تؤوصيه ائديرم. چونکى ماراللار چوخدان اؤلدو."

آکين حياتى بويونجا، آرالاريندا آغدنيز قيزيل پورتاغال شعر موکافاتى‌‌نين (1999) دا يئر آلديغى بير چوخ موکافات آلير. و پوئزيياسيندا بير زيروه اولاراق قييمتلنديريلن "منى سوروشارسان" شعرى ايله ده 2013-جو ايلده "متين آلتيوک" شعر موکافاتينا لاييق گؤرولور.

http://edebiyyatqazeti.az

Xuraman HÜSEYNZADƏ

"Səni qurtum-qurtum deyil, damla-damla içəcəyəm"

Türkiyə Cümhuriyyəti tarixində silahlı qüvvələrin rəhbərliyi ilə üçüncü açıq müdaxilə olan 12 sentyabr Hərbi çevrilişi və ya 1980 qiyamı haqda türk ədəbiyyatının ən önəmli imzalarından olan Gültən Akın "42 gün" adlı kitab yazır. Bu gün gənc nəsil üçün 12 sentyabr 1980-ci il hadisəsinin bir anlamı olmaya bilər. Amma o günləri xatırlayanlar üçün həmin tarix ağıllara aylarla davam edən həbslər, itkilər, ağlagəlməz işgəncə üsulları və edamlar gətirir. Gültən Akın "42 gün"də həbsxanalardakı 12 sentyabr hücumlarına qarşı başladılan və 42 gün davam edən aclıq aksiyasını son dərəcə ustalıqla göstərir. 12 sentyabr əsgəri zərbəsi minlərlə məhbus üçün işgəncə və zülm demək idisə, bayırdakılardan ötrü də başqa bir işgəncəydi...

Böyü

Böyü, atan sənə

Böyü,

Əzablar alacaq.

Böyü, atan sənə

Böyü,

Yoxluqlar alacaq.

Böyü, atan sənə

Böyü,

Bitməz işsizliklər, aclıqlar alacaq,

Böyü,

Böyü, atan sənə

Hücumlar, işgəncələr alacaq,

Qandallar, həbslər, məhbəslər alacaq.

Böyü,

Böyüyüb on yeddinə gəldiyində

Böyü, atan sənə

edamlar alacaq.

Öz oğlu Murat Cankoçak da məhbəsdə olan Gültən Akının "42 gün" adlı kitabında qısa hekayələri, esseləri ilə yanaşı, qiyamdan sonra həbsxananın ən ağır günlərində içəridəkilər kimi bayırdakıların da yaşadığı əzabların bədii təsviri yer alıb. Murat Cankoçak Ankarada bir bank soyğununa qatıldığı iddiasıyla həbs edilmiş, sonra amnistiyaya düşmüşdü. Akın sonralar "Kitabı bir daha belə hal yaşanmasın, insanın insana zulmü bitsin, bir daha bu cür kitablar yazılmasın deyə yazdım" deyəcəkdi...

Akın o günləri həm bir şair, həm də ana kimi təsvir edir:

"Ana idik. Oğullarımızın, qızlarımızın yatdığı həbsxanalardan görüşlərdən çıxardıq...  O aclıq günlərində dağılışıb getməyi düşünmədik. Birlikdə qaldıq. Qaçdıq yollarda. Avtobuslara doluşub getdik böyük qapılardakı yetkililərlə görüşməyə. Diləklərdə, saysız pullarda ümid aradıq."

Kitabdakı son hekayə görüşə gedən bir qadınla dörd ildir atasını sadəcə  o günlərdə görən, dörd yaşında bir uşağın səfərindən danışır:

"Nə gözəl böyüyürsən, daha da böyüyəcəksən, o zaman..." deyir anası. Uşaq araya girir: "Mən böyümək istəmirəm. Böyük qardaş olmaq istəmirəm. Ata olmaq istəmirəm. Həbsə atılmaq istəmirəm".

Akın qiyamın, həbsxanaların, illərlə həbsdə yatmanın və bayırda gözləmənin yükünün ağırlığını, bir uşağın dilində axtarır. Və Tanrıya üz tutur:

Hey Tanrım, bu çocuklar çocuklarımız bizim,

Bunca il hansı daşı oraya qoysan

Bapbalaca olar.

Bunca il hansı quşu

Bizə hüznlü görüşlər, nazik hörgülər,

Beton kölgələr bağışlayan

Bunca il hansı bir quşu?..

Ölür, ölür, ölür,

anlamırsanmı?

Yoxmu sənin oğlun, qızın?

Türk şeirinin anası

Gültən Akının şeirlərinin ana xəttini təbiət, eşq, ayrılıq, həsrət təşkil edir. Ancaq sonralar cəmiyyətdə baş verən hadisələr onun ictimai-siyasi lirikasında daha qabarıq şəkildə öz əksini tapır. 80-ci illərin əvvəlləri xalqın yaşadıqları onun həm həyatına, həm də şeirlərinə yansıyır.

Yağmurlu

Uzağı nə zaman düşünsəm aydınlıq,

Burda gecələr qaldı, sən getdin

Mənimlə

Gecəylə yuxu, suyla yosun kimi

olduğunu bilməzsənmi?

Uzaq və bəyaz şəhərlərdən

Bir incə yağmurla gələrsən

Gecə gözətçisini küçədən

Qəribi yatağından götürüb gedərsən,

Bir hekayə bilər, söyləyərəm.

Dost ulduzlara qarşı və sabaha doğru

Bu hekayənin bir ucu səndədir

Xilas etmək istərəm səni,

İstərəm xilas edəm, istərəm,

Bütün çərpələnglərin ipi əlindədir.

Gültən Akına türk poeziyasının anası da deyirlər. Cemal Süreya da onu şeirin anası olaraq tanıdığını deyirdi. İctimai lirikası ilə  daha çox ziyalı və elit təbəqənin zövqünə xitab edən Gültən Akının yaradıcılığında İkinci Yeni adlı cərəyanın bütün izlərini görürük. Şeirləri oxucuların ürəyini sızladır, yalnız bir şair olaraq deyil, bütün həyatı boyunca yazdıqlarıyla nə qədər həssas və gözəl qəlbli biri olduğunu bütün varlığımızla hiss edirik.

Relslər

Burulan yollar, qatar

Bir gün

Ümid etmədiyim bir gün

Alacaqlar səni məndən.

Nələr aldığını bilməyəcək

Düşünməyəcəksən.

Bəlkə dönəcəksən

Düşərkən ulduzum bir sərv kölgəsinə

Bəlkə də ömür boyu gözlədəcəksən.

İlk zəfəran çiçəyilə gəl

Nə var ki, dünyada

İtirib tapmaqdan gözəl?

Deməsi asan, amma

Elə yanır, yanır ki, içim

Bir qərib çöl yolcusu kimiyəm.

Doymaq üçün susuzluğuna

Səni qurtum-qurtum deyil,

Damla-damla içəcəyəm.

Gültən Akının şeirlərində hər kəs özünü, öz taleyini görə bilir. Şair üçün ən böyük xoşbəxtlik elə budur-hər kəsin qəlbinə yol tapmaq, oxucuların taleyinə biganə qalmamaq…

Kəsdim qara saçlarımı

Kəsdim qara saçlarımı, nolacaq indi?

Bir şey olmadı, sınayın lütfən,

Aydınlığam, dəliyəm, rüzgarlıyam

Günaydın əriyi tərpədən yelə,

Xilas olanlara, dirilənlərə günaydın!

İndi çaşıram bir dəstə iynəni

Bir həyat ilə qarşılayanlara.

Getdim, gəldim, qara saçlarımdan xilas oldum.

"Yaşayan ən böyük türk şairi"

Fazil Hüsnü Dağlarca vəfat etdikdən sonra 1967-ci ildə Uluslararası Şeir Forumu tərəfındən "Yaşayan ən böyük türk şairi" seçilmişdi. Ədəbiyyat cameəsi Dağlarcanın vəfatından xeyli sonra bu adı kimin alacağını müzakirə etməyə başlayır. Yazıçılar, şairlər, tənqidçilər və mədəniyyət, sənət sahəsində çalışan redaktorlar bu adın yeni sahibinin kim olacağını seçirlər. 50 nəfərdən ibarət jürinin seçdiyi adlar Gültən Akın, Hilmi Yavuz, Arif Damar, İsmet Özel, Küçük İskender, Sezai Karakoç, Murathan Mungan, Lale Müldür, Ahmet Güntan və Birhan Keskin idi. Kimiləri də bu statusa layiq ola biləcək şair olmadığını söyləyir.

Səslərin çoxunu yığan Gültən Akın, böyük fərqlə "Yaşayan ən böyük türk şairi" seçilir.

Paylaşım

Kədərini mənimlə dirhəm-dirhəm

paylaşan qonşum

sevinclərin varmı, harada,

niyə onları heç bilmirəm?

1956-cı ildə işıq üzü görən ilk şeir kitabı "Rüzgar saatı"ndan bəri vicdanı, məsuliyyəti, həssaslığı və incəlikləri öz poeziyasında əridən, yaşadan  Gültən Akının məhəbbət lirikası səmimiliyi ilə seçilir…

Türkiyənin çox oxunan və sevilən şairi Gültən Akının şeirləri bir çox dilə çevrilir. Bəstəkarlar, müğənnilər onun şeirlərinə biganə qala bilmir və qırxdan çox şeirinə mahnı bəstələnir.

Dəli qızın türküsü

Sənə böyük küçələrin birində rast gəlsəm,

Əlimi uzatsam, tutsam, aparsam,

Gözlərinə baxsam, gözlərinə, danışmasaq

Anlasan,

Əlimi uzatsam tuta bilməsəm.

Olan sevgimi, yalqızlığımı

Düşünsəm, yox, düşünməsəm,

Sənin heç xəbərin olmasa

Sənin heç xəbərin olmaz ki,

Başlayar, bitər öz-özünə o türkü.

Yağmur yağar, akasiyalar islanar,

Buludlar uçuşar gecələr.

Mən yağmura dəli, buluda dəli,

Bir böyük oyun yaşamaq dediyin

Məni ya sevməli, ya öldürməli.

İtirməli böyük yolların birində nə varsa,

Böcəklər kimi başlamalı yenidən.

Bu Allahsız, bu yağmur tutmayan qaranlıqda

Yan qəribliyinə, ürək, yan,

Getdi gedən.

Akın həyatı boyunca şeirdən başqa ədəbi janrlara maraq göstərmir. Yalnız onun qələmə aldığı yeddi qısa tamaşası özündən sonra yadigar qalır. Yazdığı teatr mətnləri də qadın, evlilik, tale mövzuları üzərində  qurulur. Və şeir yazmağı bir maral ovuna bənzədir Gültən Akın:

"Şeir yazmaq geyik, ovlamaqsa əgər, öldükdən sonra ovlanmalıdır marallar. Yəni yaşananlar soyuduqdan sonra yazılmalıdır. Həyatı yox etmədikcə şeiri var edə bilməzsiniz. Həyatdakı o canlılığı, tərpənməyən nəsnəni yox edəcəksiniz - o biri tərəfdə var etmək üçün.

Həm gənc bir qadınkən, hər kəsi sizin sirləriniz, gizlinləriniz maraqlandırar. Bu üzdən bu günə qədər sirlərimi həmişə saxladım, onları qorudum. Zatən sirriniz olmasa, yaza bilməyəcəksiniz. Amma indi ipucları verməyi tövsiyə edirəm. Çünki marallar çoxdan öldü."

Akın həyatı boyunca, aralarında Ağdəniz Qızıl portağal şeir mükafatının (1999) da yer aldığı bir çox mükafat alır. Və poeziyasında bir zirvə olaraq qiymətləndirilən "Məni soruşarsan" şeiri ilə də 2013-cü ildə "Metin Altıok" Şeir mükafatına layiq görülür.

http://edebiyyatqazeti.az