ینی ایلینیز اوغورلو اولسون


Jul 9, 2014

زيفاف گئجه‌سي

وفا ناقی

اوشاقليغيمدان بير خاطيره‌ني سيزينله بؤلوشمک ايسته‌ييرم.

کنديميزده بير عاييله واردي. کندده هئچ کيم ايجازه وئرميردي کي، قيزلاري بو عاييلهنين قيزلاري ايله دانيشسين، اونلارلا نسه بير اونسيت قورصون. نينکي اؤز آتا-آنالاريميز، قونوم-قونشو، ياد آداملار دا او عاييلهنين قيزلاري ايله سالاملاشان، دانيشان قيزلارا چوخ پيس باخير و قئيبتيني ائديرديلر. اوشاق ايديم، بونون سببيني آنلايا بيلميرديم. سوروشاندا دا، آغزيمدان وورور و هئچ نه دئميرديلر
.
هئچ کيم او عاييله ايله دانيشماق ايستميردي، اونلارلا گئديش-گليشي اولان بير اينسان، بير عاييله ده يوخ ايدي. کند جاماهاتي بو عاييله سانکي هئچ يوخموش کيمي داورانيرديلار.

بير مودت سونرا او عاييله باش گؤتوروب، کنددن گئتدي.

اونلارا اولان موناسيبتين سببيني بؤيوينده اؤيرنه بيلديم.
او عاييلهنين قيزلاريندان بيري اره گئتمه‌ميش حاميلهقالير. واليدئينلري ايمکان تاپيب، هئچ نه دئمه‌ميش، ائلمه‌ميش، کند جاماهاتي قيزين فتواسيني وئرير. کند قادينلاري بيرلشير و هامينين گؤزو قاباغيندا، طنطنه لي صورتد، سئوينه-سئوين، هوسله قيزين باشيني کئچل قيرخير سونرا دا دؤيورلر. حددي- بولوغا چاتميش، ياشي اون سککيزي کئچميش قيز ايس، اعتيراض ائتمگي هئچ دوشونمورموش ده. عکسين، بو «تاماشايا» به-بهله باخان کند آغبيرچکلرين، آغساققاللارينا يالواريرميش کي، اونو اؤلدورمه‌يه قويماسينلار

او دهشتلي حاديثه نين ان هوسلي فتواچيلاري دا، ايجراچيلاري دا کيشيلر يوخ، محض قادينلار ايميش!

آخي نيي؟ هارداندي بو قادين غدارليغي؟ هارداندي اؤز جينسين، سنين کيمي حوقوقلاري تاپدانان، سنين پروبلئملريني ياشايان، اؤز جينسيندن اولان وارليغا قارشي بو قدر کين، نيفرت، غضب؟
آذربايجاندا دئمک اولار کي، هر بير قادين زيفاف گئجه‌سي ايمتاحانيندان کئچمه‌ليدير. بو ايمتاحان قاچيلمازدير. بو ايمتاحان اونون اورتا مکتبد، اونيوئرسيتئتده اوخويوبسا، ايشله‌ييبس، ايشه قبول اولوناندا وئرديگي بوتون ايمتاحانلاردان ان جيديسي، ان هللئديجيسيدير. او بوتون گنجليگي بويو بو ايمتاحانا حاضيرلاشير. او، بکارت ايمتاحانيندان اوزواغ، آلنياچيق چيخماليدير.

آما تئخنيکي بکارتي ائله تئخنيکي واسيطه ايله سوبوت ائتمک ده بس دئييل. بو ايمتاحانين نتيجه‌سينين دوغرولوغونو ايثباتلاياجاق دئتاللار چوخدور. گئييم، داورانيش، دانيشيق…بير شورتيک، بير ميني اتک، بير ياد اوغلانلا محلله‌ده دانيشماق، ائوه بير دفعه9-دان گئج گلمک - سنين تئخنيکي بارکارتيني شوبهه آلتينا آلا بيلر. سونرا ايمتاحاندان اوزواغ چيخسان دا، نتيجه‌لري تانيمايا بيلرلر.

ايلاهي، نئچه-نئچه قيزلار بو نتيجه‌لري گله‌جکده راحات تانيتديرا بيلمک اوچون اورکلري گئدن نه قدر شئيلردن محروم ائديبلر اؤزلريني؟! ان ساده شئيلر، ان خوشلارينا گلن پالتارلارا حسرتديلر. آما اولماز، او شئيلردن ايستيفاده ائتمک اولماز. گله‌جکده قولتوغونا وورمالي اولدوغو هانسيسا قارا و بيغلي اري، اوندان دوغاجاغي اوشاغي، شيلله-قاپازلا، سؤيوشل، قارغيشلا، ان اييرنج داورانيشلار اوزرينده داوام ائدن عاييلهني تهلوکه‌يه آتا بيلمزلر. اولماز!

نه فرقي وار کي، او قيز هانسي اونيوئرسيتئتي اوخويوب؟ ايختيصاصي ندير؟ عاغلي، بيليگي نه يئرده‌دير؟ فرقي يوخدور، اره گئتمه‌سه،اوشاق دوغماسا، عاييلهلي قادين ستاتوسونو آلماسا، جمعيت اونو ناتامام اينسان، آشاغي سورت قادين کيمي قبول ائده‌جک، اؤز دوغما عاييلهسي اونا حؤرمت قويماياجاق. او، بونلاري اؤزونه روا گؤره بيلمز!
ان پيسي بودور کي، بوتون حياتلاريني، ائنئرژيلريني اره گئتمک، آنا اولماق اوغروندا خرجله‌ين بو قادينلار بعضاً قوجالاندا توم، ليمون، سالفئت ساتان، ديلنن قاريلارا چئوريليرلر. دينديره بيلديگيم بوتون کوچه ساتيجيلاري، ديلنچي قادينلار بير ده يوخ، بير نئچه اوغول آناسي اولدوقلاريني دئييبلر.
بو ياخينلاردا بير منظره گؤردوم. ائله بيل، باشيما بير قاينار قازان سو تؤکدولر. بو منظره‌ني حياتيم بويو اونوتماياجام. ياشي 70-اي کئچن بير قادين، 25-26 ياشلي اوغلانين قارشاسيندا ديز چؤکوب، پول ايسته‌ييردي. نئفت و ميليونلار اؤلکه‌سيند

و گله‌جگين بلکه ده بو توم ساتيجيلاري، ديلنچي قادينلاري، بئش اوغلو اولدوغو حالدا، کوچه‌لرده صدقه ايستيه‌جک قادينلار، گنجليکلريني ايمتاحان قورخوسونا قوربان وئرديکلرينين آجيغيني آزاد، سربست، فرقلي قادينلاردان چيخماق ايسته‌ييرلر.
اونلار باجارماييب، اونلاردا آلينماييب، اونلار قورخوبلار، آما سيز باجاريرسينيزسا، سيزده آلينيرسا، سيز قورخمورسونوزسا، اونلار بونو سيزه باغيشلايا بيلمزلر.


 

No comments:

Post a Comment