ینی ایلینیز اوغورلو اولسون


Jan 1, 2014

آیاق دره - دره ...

لاله جوانشیر

"آیاق اوستو تنهالیق"  شعر مجموعه سیندن
تبریز 1380

قونور ساچلاریما خیالین
سن

پیریل - پیریل یانیرسان

شهرین گئجه چیراغلاریندا.



من
یاواش - یاواش تؤکولوره م
پنجره دالیسینداکی
آیاق اوستو تنهالیغیما
و بیلیره م کی
بو شهر اونودولاسی دئییل.

***

سن منی ...

سن منی
یوللارین سونسوزلوغونا آغلادین.
بیلمه دین کی من
اونلارین کیمسه سیزلیگینی
گؤزلرینه یاغمیشام.
... یاغیشی اونوتما
بوردا
یولا گؤز تیکنلر چوخالیبلار

***


No comments:

Post a Comment