ینی ایلینیز اوغورلو اولسون


Oct 5, 2015

چوخ گئجدی "گالیا"

دنیز ایشچی
ترجمه ترکی شعری از هوشنگ ابتهاج "دیر است گالیا"

 عشقین فسانه سین اوخوما سن قولاقیما
مندن سن ایسته مه اورگین عشقه یانماسین
چوخ گئجدی "گالیا" ، یولا دوشموشدو کاروان
 چئوریلدی عشقیمیز ای آخ، فسانه یه
اوندا کی بیر تکه شام حسرتیله
 هامی داورانیر
 عشق و حکایته داها بیر فرصت اولمایر.

سن دوغدغون گونوویون ایل دونومونه
بیر گول چیچیک کیمی پارلاخ پاریلداراخ
یاندیرمیسان ایگیرمی شمعی  ظلمت ایچره سن،
 اما همان گئجه نین قاپ قارانلیغی
مینلرجه سن کیمی گول قیزلار هامیسی
آج قارینا قورو یئر اوسته ساخلانیب
آی پارلاغیندا اویقویا گئدمیشدیلر هامیسی.

بارماخلاین نه گوزل سازلا اوینایر
مینلرجه  ایلمه سالان قیز بارماقلاری
قان چیرکینه قاریشیب یئرتیلیب هامی.
تنگ قفسده ایش یئری دار بوغ، سیخینتیدا
بیر قیرتیم گونلوغه خاطر چالیشمادا
یولدا اوتوموش یولچویا سن ویدیغین قدر.    

بونقش لی نقارلی گوزل فرش توخونماسی
سن اوینادیخجا سالدیریلیب دیر یئر اوستونه
مینلرجه انسانین قانی دیر سوزموش اوستونه
او خط و خال کی گورسنیر فرشین عذارینه
مین درد و غم آخی دیر نقشین اوستونه
بو ننگه باتان داستانا سن بیر درینله باخ
مینلرجوانین آرزوسی دیر یانمیش آتشه
مینلر اوشاق بویوک بئله بیر زندان ایچره آج
خسته یاتیب یوخودا آروز گوزونه.

چوخ گئجدی گالیا 
وقتی دگیل کی بوسه و عشق صحبتین آچیم
دوران هامی قان دیر الوو بو گون
ایندی بوغازلارین باغریب ، قوللار آچمالی
عصیان گونو بو گون.

گولمه منیم اوزومه، دادلی گوزلرین
زهریم اولایدی نوش ایله مخ عشق یله شراب
یا سئوگی دن دویونن شاد اورک لری
دوستداخدا دوستلاریم.
کیفسح بوغونتولو داریشیخ باغشاه دادی
قیزقین داریخمالی خارک دوسداغیندادی
یا زندانین، جهنمین قارا بیر گوشه سینده دی
چوخ تئز دی گالیا
عشقین فسانه سین اوخوما سن قولاقیما
مندن سن ایسته مه او سئوگی نغمه سین
چوخ تئز دی گالیا، هله یولدایدی کاروان.

اوندا کی دان آچیلیب آغ قوجاخلاری
یئرتیب قار گئجه نین قیرلی پرده سین
اوندا کی گون ائشیغی هر زولاخدا دیر
یولداشلارین اوپوشو بول یاناخلارا
گئتمیش باتیلمیش گولمه جه لر بیر ده دوندولر
من اوندا دونمه لیم  یار قوجاغینا
سئوگی غزل اوپوش گولوشون گول عذارینا
گوللو چیچکلی قلب لر آچمیش باهارینا
گللم سنین کنارینا  ای سئوگیلی یاریم.


دنیز ایشچی   25-09-2015

No comments:

Post a Comment