هدایت سلطانزاده نین اؤلوم خبری, گؤزلنیزمز اولماسادا, دوستلار و یولداشلارینی درین اوزونتویه اوغرادی.
آذربایجان, هدایت سلطانزاده نین اؤلومو ایله, آزادلیق, عدالت، میللی باسقی یه قارشی یورولماز ساواشچیلاردان بیرینی ایتیردی.
اهلیق و ولایت فقیه رژیملری ایلن
قارشیلاشان, ایران سولچو حرکاتینین گؤرکملی کادرلاریندان اولان هدایت سلطانزاده,
شاه زمانیندا دوستاق و ایشکنجه اولموش و ۱۳۵۷ انقلابی ایلن باشی اوجا زنداندان
چیخمیشدیر. او سورگونده سرطان خسته لیگی ندنی ایله آرامیزدان کؤچدی.
او آلچاق
کؤنوللی, ایران امکچیلرینین ایدوآللاری یولوندا آردیجیل اینسانیدیر. اؤز
آراشدیریجی دوشونجه سی ایله, امکچی حرکاتینین گنج نسیلی و ایراندا باسقی یا معروض
قالان میللتلر ایچین چوخلو تئوریک و علمی یازی یادگار قویوبدور.
هدایت
سلطانزاده, «راه کارگر», « آذربایجان فدرال دمکرات حرکاتی» و «گونی
آذربایجان قلم انجومنی» نین قوروجولاریندان بیریدیر.
«گونی
آذربایجان قلم انجومنی», ٖهدایت سلطانزاده نین آرامیزدان گئتمه سینی,
بوتون آزادلیق و عدالت یولوندا ساواشانلارا, عائله سینه و یاخینلارینا باش ساغلیغی
وئریر.
خاطره
سی عزیز اولسون !
No comments:
Post a Comment