آزادليق، عدالت يا بيرليخ؟

معصومه قربانی

دونيادا و بيزيم ده توپلوم دا هر زامان نه ايسته ديغيميز ايچون تارتيشمالار اولور. يعنى بيزلر كى عمومى حالدا ايران چارچوبه سينده ياشايان توركلريك و خصوصى له آذربايجان اينسانى اولاراق نه ايستيريخ و ساواشيميزين غايتى نه دير نه ايستيريخ؟ مثلاً (آزادليخ يا دموكراسى كى سكولاريسم ده اونون اولونما شرطلريندن دير)، (عدالت يا سوسياليسم) يا (بيرليخ و برابرليخ يا ميلى دولت) اراده سى حاكيم اولماغين ايستيريخ ؟

 بو قونولار هر زامان نه فقط بيزيم توپلومدا بلكه دونيا توپلوموندادا تئورى و عملى حالدا هر گون اسكى دن ايندى يه كيمى تارتيشيلير. البته كى تارتيشمالار ياخچى دير و بير توپلومون اوز گله جكينه دغدغه لى اولماسى و حاضيرلى اولماغين و يا حضيرلانماغينين بير گوستيرجى سي نشانه سى دير. بير جانلى و اؤلو توپلومو بو تارتيشمالارين اولوب اولماديغيندان ظن ائتمك اولار سانيرام.

بو مسله بيزيم ده توپلومدا دا هر زامان تارتيشيلير. بيز توركوك يا آذربايجانلييخ؟ سوسياليسم و عدالت ايستيريخ يا آزادليخ؟ برابرليخ و ملى دولت بيزيم غايه هديفيميزدير؟ و اگر ملى دولت ايستيريخ اونون چارچوبه لرى نه اولاجاخ؟ مثلاً هانسى بولگه لر بو ملى دولتين سينيرلارى اولاجاق و بيز بو سينيرلارى قوروماق و برپا ائتمك ايچون نه گوجوموز وار؟ يا مسله نين داها بير اصلى قونوسو بودور كى بيزيم رقيب لر و يا دوشمن لر نه گوجه ماليك ديلر و رئال اولاراق بيزيمله  اونلارين ريقابت و مجاديله پروسه سينده بيزه نه سونوج لار اَله وئره بيلر؟ يعنى سوزون اونملى بير قيسمى ده قونشو خالقارين بيزه مناسبتلرى دير و يارين او بيرى گون اونلارين بيزيم قاباغيميزدا توتدوغو سياستلرى دير كى بيزيم اَله گتيره بيلديغيميز باشاريلاردا بويوك ائتكئلرى اولا بيلر و يا مجادله بيزيم اَلدَن وئره بيلمك و اودوزماغى سوزون بير آيرى باشى دير. يانى بو سوز دئمك ايستيرم كى بير اَلده ايدال لارى نظرده توتوب و گلجك ايچون اوزوموزه بير اينسانى دوروم تصور ائتملييَك و بو بيزيم خالقا خيالى آزادليخ دا اولسا بير گوج قوه سى اولاراق ايمان باغيشلايا بيلر گلجك ساواشى ايچون. يانى هر نه اولسا توتالير و باسقينچى بير حاكميتده  دوغولدوغوموز ايچون، آنادان اولدوغوموزدان بيزه خيال قورماق ياساقى دا بئله  قويولور و بعضى ايستك لرى و حاقلارى بئله القا اولونور كى حتى خياليميزدادا آرزو اولوراق دوشونمه مه ليك. يانى سوزون دوغروسو ايران دا و يا هر هانسى بير غيردمكراتيك اولكه اولور اولسون دا اوردا اَزيلن خالقلارا آزادليغ و برابرليخ آرزو ائتمك ده ياساق دير. بونا گوره خيال ائتمك و آرزو ائتمك و بو آرزو و ايستك و خيال لار اوستونده مجادله ائتمك بيزيم ايچون بير باشارى و لازيم اولان بير قونودور كى توتالير حاكميتين اراده سين سينديرماق و اونا غلبه ائتمك موشتولوقو كيمى آدلانديرماق اولار. اما خيالاردان برابر آرادا گرچكلرى ده نظرده توتماق و گونلوموز گويلرده اولسادا آياقلاريميزى حقيقى يئرلره باسمالييق و خيالارى حيات گرچكلرينين اوستونده قورمالييق. البته بو سوزون بير اصلى قونوسون دا خاطيرلاماق دا فايدا گورورم كى ازيلميش خالقلار بير پيسكولوژى خسته ليخ دن آغرى چكه بيلرلر و اودا بودور كى اونلار خيالارى گرچكلشديره بيلمه ديخ لرى ايچون، گرچكلرى تماميله بوراخيب و خيالارين اوستونده بير-بيرله ريله دوشمانليغ ائده بيلرلر! يانى ازيلميش خالقلاردا بير درد و كدر بيريكيمى وار كى بير سيل كيمى بير دليك آختارير تا كى بيركميش گيزگينليغين بوشادسين. اونلار دوشنمه سالديرا بيلميرلر، هر نه اولسا خصم اوزون اونلارين گوزونده او قدر گوجلو گوسترير كى اونا سالديرماق بئله كيمسه نين خيالينا بئله كئچمير. پس ازيلميش اينسانلار و خالقلار نه ايش گورولر؟ اونلار بير-بيرلرينه سالديريلار، اونلار آياقلارين تام يئرده اولان حقيقتلردن اوزولوب و گويده اولان خيالارى ايچون آمانسيز و رحيم سيز بير- بيرلرينه سالديريلار. اونلارين يازيخليغى بوردان باشلانير و بو سببى آشاماديخلارى تقديرده كوله گيبى ياشاماغا محكومدولار. اما منجه بيزيم اولو اجدادلاريميز بو قونولارا داها باشاريلى اولاراق بير قيسا دوره لرده اولسادا داها دوغرو و دوزگون بو قونويا ياناشيب لار. مثلاً آتاميز بابك قودوز ايشغالچى خليفه قوه لرينه ساواشديغى ساواشدا بو مسله يه داها منطق و عاقيل لا باتان بير يولا ياناشيب.

 يعنى آتاميز بابك پراكتيس ده بو مسله نى داها گوزل حل ائديب. آتاميز بابك دينى خليفه ايشغالچى و ايستيثمارى ديكتاتورلوغونا قارشى كى خالقيميزى هر ساحه ده كوله ليغه سارى يونه ديردى و اونلارين مالارين و ناموس لارين اَللريندن آليب بغداد سارايينا گوتوروردو، قيام ائتيدى! آتاميز بابكين عصيانى تاريخى  آذربايجان توپراقلاريندا تورك كيمليغين قؤروماق ايچون آذربايجان دا ياشيان تمام خلقلرى اوز حقلرين مودافيعه ائتمك ايچون آذربايجان بايراغى آلتيندا بيرلشديب و خالقلارين قارداشليخ و برابرليخ لرى قورنوماسى وعده سيله اونلارى ايشغالچى و جنايتكار ايستمارچى لارا قارشى عصيان ائتمك شانسى حاضيرلادى.

او زامان كى خليفه قوشونو قادين و آروادلارا بير جينسى مال گيبى باخيردى و اونلارا ساده جه بير سكس ماكيناسى گيبى ياناشيردى و دولايى سى لا قادين تويوخ گيبى اوشاق دوغاماديغى حالدا حيواندان دا پيس داورانيرديلار اوندان. آتاميز بابك قادينلارا بير يوخارى سايقى لا ياناشدى و قادينلارين دا ائركك لردن برابر توپلوم دا سايغى لى حضورلارى ايچون ايمكان يارادى. جنايتكار خليفه قوشونلاري زحمتكش خالقيميزين قادينلارين اسير و كنيز اولاراق صاحاب لانيب و اونلارى بغدادا سارايا گوتورَرك خالقيميزى تحقير ائديردى.اونلارين قادينا باخيشى آشاغيليياجى بير باخيشى دير و ازيلميش خالقارين قادينلارى نا باخيش لارى داها كوتو بير باخيشى دير. خالقيميز بو باخيشدان قورتولوب و قادين لارا بير برابر باخيش اولماغين ايستيردى. هر نه اولسا اولسون، اسكى تورك خالقلاردا قادين لارا آشاغيليياجى باخيش يوخودور و بيزيم ذهنيت ده قادين نه آنا اولاراق بلكه حيات يولداشى و سئوگيلى اولاراق حرمت قازانيردى.(١) آتاميز بابك قادينلارا آزادليق موشتولوغو وئريب و اونلارى اركك لردن دوش- دوشه آزادليخ لارى ايچون ساواشماغا راضى ائتدى. ائله محض بونا گوره آتاميز بابكين دوشمنلارى ايندى ده اونو قادين لارا ياناشماسين ناموسوز و بى غيرت كيمى  گوسترمك ايستيرلر كى قادينلارى جينسى ايستيفاده ايچون پايلاشيرديلار. گونوموزده ده ايرتيجاعى ايسلام چى لار آزاد و باشى آچيخ و توپلوم دا اولان قادين لارى فاحشه اولاراق تانديريلار، ائله محض بونا گوره دير كى ايندى اوروپادا يئنى گوچمن اولان مسلمان لار ايلك باش آچيخ گوردوخلرى قادينلارا اَل آتيپ و اونلارى فاحشه سانيب و جينسى موزاحيمت لر يارادارلار( بونلارين اينديكى رفتارلاري بونلار مين ايكى يوز ايل بوندان قاباخ نجور بير اينسان اولدوخ لارينا بير نشانه دير و گور بيزيم قادين لار بو وحشى و بربر ايشغالچى لاردان نه قدر زحمته معروض قالميش) . البته هر نه اولسا اونلار بير عومور ايرتيجاعى ايسلام چى لارين حاكميتى آلتيندا ياشيبلار و اونلارين تبليغاتى آلتيندا ائله دوشونورلر كى باشى آچيخ و يا خياباندا گزن خانيم فاحشه دير و اوزلرى راضى دير كى اونو خياباندا اَل آتسينلار. آتاميز بابك مين ايكى يوز ايل بوندان اونجه بو ايرتيجاعى و اينسانا لايق اولمويان دوشونجه لره قارشى ساواشيب و خالقيميزين قادينلارينا توپلومدا سايقى لا ياناشماغين گرچه سين بيلديريبب و اونلارا آزادليخ موشتولوغو وئردى و توپلومدا بير ازاد اينسان اولاراق مشاركت ائده بيلجكلرين دن يانا اولدو. ايرتيجاعى و دالى قالميش كهنه بئيين ايستيثمارچى دوشمن اونا غيرت سيز و اخلاق سيز ماركى وورسالاردا، اما خالقيميز برابرليخ شعارى آلتيندا آتاميزين بايراقى آلتيندا ييغيشيب و مرتجع ايستيثمارچى لارا قارشى بير آمانسيز ساواش باشلاديلار.  

خليفه قوشون لارى خالقيميزلا بير كوله گيبى داورانيش و اونلارين أمك و زحمتلرين تالان ائديب و زوردان اونلارين اَليندن چيخارديب  و بير قيسمينه اوزلرى صاحاب اولوب و قالانلارين خليفه سارايينا گوندريرديلر . خالقيميز فلاكت ده ياشايب و اونونلا برابر ايكنجى اينسان معامله سى اونا ياپيليردى. ايسلام آديلا خالقيميزى ايستيثمارا چكيليب و اونون حياتين جهنمه چئويريرديلر. خالقيميز بير عومور باشى اوجا ياشاديخ دان سونرا ايندى اولادلارى قارشيسندا، ظاليم حاكيم دن تحميل اولونان يوخسول لوغا گوره باشى آشاغى اولموش و اينسانى غرورون الدن وئرميش و يا غضب اولموش ظن ائديردى. خالقيميز اينديه كيمى آزاد بير اينسان ياشايب اما خليفه قوشونلارى ايسلام ادى لا اونلارين توپراق لارين غضب ائدميش و ايندى اوزلرينه اصيل و سيد و عرب مسلمان اولاراق بير درجه يوخارى گوزله باخيرلار و خالقيميزين تورك دوغولدوغو ايچون اونلارا تحقير ائديجى معامله لر ائديلر. خالقيميز اوز آتا توپراق لاريندا ايشغالچى قوه لر توسوطوله اوز كئچميش اتنيك و اينانج لارى ايچون تحقير اولونوردو و بير تحقير ايندى يه كيمى اوزانيب و باشقا آدلا ايدامه تاپيب. خالقيميز عدالت سيزديخ دن بير درين درد و كدره ماليك اولدوغو حالدا آتاميز بابك ميدانا گلير. بو چكديغى تحقيرلر ايچون خالقيميز باش قالديرماق ايستير، خالقيميز ايشغالچى لارى توپراق لاريندان چيخاردماق ايستير، اونلارى دينلرى و اتنيكلرى له برابر يوخ ائتمك ايستير. ليدر و باشچى لار آنادان ليدر و باشچى دوغولمازلار، بلكه خالقين ايستكلرى و اونلارا حاكيم اولان عمومى پيسكولوژى بو ليدرلرى يارادير. آتاميز بابكين ساواشينا كيتله خالق اونلارا وئريلن اقتصادى عدالت  و ايشغالچى لارين اقتصادى عدالت سيزليغيندن اونلارى قورتارماق وعده سيله گونوله قاريشيب و جانلارين اؤوجلاريندا توتوب و وطن ايچون كى بيرليخ و برابرليخ لردير ايشغالچى و بربر گوجلره قارشى عصيان ائتديلر. اونلار عصيان ائتيدخلرينده بيليرديلر كى خليفه قوشونلارينين عليه نه عصيان ايچون سياسى ايسلامينين عليه نه كى خليفه نين گيزلى سيلاحى دير عصيان ائتمك لرى گرَكدير. ميللتيميزى بوگونكو كيمى اولسادا او زاماندا عينى ايرتيجاعى ايسلام شعارلارى لا اسير ائتميشلر، اونا گوره ده عصيانچى خالق لار اوزلرينه بير فرقلى دين و فرقلى اينام سئچيب و خليفه نين ايستيثمارى دينى ايلچى لرين اوزلرينه بير مشروع هدف گوره ك اونلارى دارما داغين ائليرديلر. اونلارا گوج وئرن، اونلارى اوز جانلارين بو قوتسال ساواشا قوربانليق وئرمه ك لرينه ايمان باغيشلايان آتاميز بابكين عدالت موشتولوغو و ايشغالچى خليفه نين عدالت سيز و حاقسيز ليخ عمل لريدير. اونلار بيرليخ ايچون ساواشماق ايچون اراده لرى بوندان قايناقلانيردى كى اورك دن اينان ميشديلار عدالت و آزادليخ لارين قودوز و قودورغون ايشغالچى دشمن لردن محافيظت ائتمك ايچون اونلارا آذربايجانين تاريخى توپراق لاريندا ملى دولت قورماغى گركلى دير. اونلار عينى بو گونكو كيمى تاريخى پروسه ده اورگنميشديللر كى كئچميش لرى اونلارى دوشونوب و اونلارا بير ملى دولت بوراخميب، اونلار بوندان عبرت آلالار گلجك نسيللرى دوشونسونلر و گلَجك نسيل بو حيقارت و حاقسيزليخ لارا معروض قالماسين دئيه، آذربايجان تاريخى توپراقلاريندا بير ملى دولت قورماق ايستيرديلر. اونلار اوز ميلى تورك كيمليخ لرين قوروياراق بو ساواشى تاريخى آذربايجاندا ياشيان غيرتورك خالقارين يارديمى لا بيرليكده و برابرليخده سوردوروب قاباغا آپارديلار. گوردوخلرى عدالت سيزليخ لر ندنيله، كيمسه بو عدالت سيزليغى گورمه سين ايستيرديلر و هر كسى هر اتنيك و هر دين دن اولاراق اولسون باغيرلارينا باسيرديلار.ائله صرف بونا گورَده آذربايجان بايراقى آلتيندا تورك اولمويان خالقاردا تورك يورداشلارى لا برابر آذربايجان بايراغى آلتيندا قودوز ايشغالچى دوشمنله ساواشديلار. آتاميز بابك هر كس هر اتنيك و دينه منسوب اولور اولسون اوز باغرينا باسيب و حاقلارين مودافيعه ائتمك ايچون اونلارا ساواش شانسى ياراديردى. آتاميز بابكين بو عملى بونون گوستريجى نشانه سى دير كى آذربايجانين و توركلرين او قدر گونوللرى بويوكدور كى اونلارين بايراقلاري آلتيندا آيرى ميلت لر ده آزاد ياشايا بيلرلر. آتاميز بابك ساواشيندا آزادليخ و سكولاريسم، عدالت، بيرليخ و برابرليخ "بير اوچلوخ" اولاراق برابر و عينى حالدا يورودولوردو و هيچ بيرى او بيرينه قارشى قوربانليق وئريلمه دى.  بو يورويوش بير اركستر ده اولان هامونى گيبى يورودولوب قاباغا آپاريليردى، ائله صرف اونا گوره ده ساواش دان قاباخ سازلاري باغرى لارينا باسيب و سور وئريب و اؤلومه ميدان اوخويوردولار، اونلارا ايمان باغيشلايان بو عنصرلاردير، اونلارى جانلارين قوتسال هدفلرينه گوره قوربانليق وئرمه لرينه تشويق ائدين آزادليق دير، عدالت سئوگى سيدير، ملى بيرليخ دير، گله جك دير: بو عنصر و بو هارمونى، عمرى آز اولسادا سيد جعفر پيشه ورى بير ايل ملى آذربايجان دولتينده ده يورودو و هيچ بير عنصورو خالقيميزين باشى اوجا ياشاماغى ايچون او بيرنه قوربانليق وئرمه دى. البته بو قونولار تارتيشماليدير و داها دوغروسو آتاميز بابك و پيشه ورى كى ايشغالچى لارا قارشى پراكتيكال و ايدولوژيك ساواش آپاريب لار ينى دن اوخونوب و قارانليق عنصرولورينا و يا كولگه ده اولونان عنصرلارا ايشيق توتماليق. بونو اونوتماماقدا فايدا وار كى آزادليق، عدالت و يا ملى دولت بيزيم اينسانليغيميزى قورماق ايچونودور و بيزيم اينسان ليغيميز هر نه دن اوستوندور. اصلينده بونو هر زامان ياديميزدا ساخلامالييق كى هر ساواش و مجادله نين تملى اينسان ليغيميزى أعاده ائتمك ايچون دور و هيچ بير ساواش و مجادله بيزيم و يا باشقا خالقلارين اينسانليغين دان اوستون توتمامالى دير. يانى هر شى و هر ايدولوژى نين سونوجو اينسانليغ ايچون دور و اينسانليغيميزى ايدولوژى يه قوربانليق وئرمك يالنيش بير دوشونجه دير.

معصومه قربانى

１-  دالى قالميش توپلوملاردا قادينا آنا اولدوغو ايچون سايقى گوستريلر، اودا بوندان قايناقلانير كى قادين بير ابزار اولاراق بير اَكين يئرى گيبى نظرده توتولور كى او محصول وئرير، يانى دوغور. حتى چوخ دالى قالميش توپلوملاردا قادينين آدى لا چاغريلماز و او اوغلونون آدى لا چاغيرالار. اما اينسانى باخيش دا قادين بير اينسان گيبى سايغى يا ماليك دير كى ارككلر ايچون آرواد دئيل بلكه سئوگيلى و حيات يولداشى اولاراق خاطيرلانير.