Jun 6, 2016

برتولت برشت دن نئچه شعر

برتولت برشت ، ترجمه قهرمان قنبری

آلچا آغاجى.


كيمسه ايناناميور كوچوكلوغونه گوره،
حياطداكى آلچا آغاجينا،
چئوره سينده كى چپرلره گوره،
كيمسه اونا توخوناميور.
كيچيك آغاج بويومك ايستير،
اما او آز گونش آلير،
كيمسه اونان دانيشمير،
كوچوك آغاج بويومَك ايستير.
كيمسه اونون آلچا آغاجى اولدوغونا اينان مير،
چونكى اوندا بئله بير دنه ده اولسون آلچا يوخ،
اما سونوندا او آلچا آغاجى دير،
ياپراق لاريندان بونو دييه بيلرسن.


سورغو.

ياز منه گئيديغينى، جانينى قيزديرير؟
نجور اوزانيرسان، يومشاق يئرده اوزانيرسان؟
نجور گوزوكدوغونو ياز منه، قاباخلاركى كيمى گوزوكورسن؟
گونلونون نه ايسته ديغين ياز منه، منيم قولاريمى ايستير؟
ناسيل گوزوكدوغونو ياز منه، آريخلايبسان؟
نه گوردوغونو ياز منه، يتَرينجه جسارتين وار؟
ياز منه نه وار نه يوخ، ياخچى سان؟
كيمى دوشوندوغونو ياز منه، او منم؟
يالنيز من سورغولاريمى وئريب ،
و جواب لارى نجور  يئره دوشدوغونو گورورم،
يورولدوغون زامان سنين ايچون داشيا بيلمه يه جه يم،
عاج سان سا اگر، سنه وئره جك چوركيم يوخ.
اوجورسه اگر ترك ائديرم دونيانى،
اوزون زامان اولدو يوخام اگر،
اويله سه اگر اونوتموشام سنى!

اؤرگن.

اَن ساده شى لرى اورگَن
اورگنمه ايستيه ن لره هئچ زامان گئج دئيل
اليفبانى اورگن،ئتمير اما اونو اورگَن
بير طرفدن باشلايان گره ك
سن هر شئى بيلمه لي سن
سن گره ك رهبرليغى اَلينه آلاسان
سورگونده حايات سوره ن اويرَن
زينداندا عومور سوره ن اوره گَن
اِى ائوده اوتوران آرواد اورگَن
اِى آتميش ياشينداكى كى اينسان اورگَن
سن گره ك رهبرليغى الينه آلاسان
اى صاحابسيزلار و ائوسيزلر اويرنمه داليسيندا اولون
اى سويوخ دان تيتره ين ائوسيزلر بير شى لر اورگنين
اى آجليخ چكه نلر،الرينيزه بير كيتاب آلين،بو اوزو بير سلاح دير
سن گره ك رهبرليغى الينه آلاسان.
آى يولداش اوتانما سورغو،سورمادان
بيلمه ديخله رينى،قويما زوردان بوينونا قويالار
اوزون داليسيجاخ گئد
اورگنمه ديكلرينى اينكار ائله كى بيليرسن
فاكتورو اوزون جمع باغلا
ندن كى اونو أودُيَين سن سن
بيلمه ديغين رقمين اوستونه اَل باس
و سوروش بو نَدن اوتورو؟
سن گره ك رهبرليغى اَلينه آلاسان.



من بير درام يازاريام.

گوردوكلريمى يازارام،
انسان ليق بازاريندا،
نجور اينسانلارين آليب، ساتيلديغينى يازارام.
يازى لاريمدا بونلارى گورسه ده رم
اونلارين قافالاريندا نه دوشوندوكلرينى
باغلى اوتاق دا نجور، بير- بيرلرينن قارشلاديخلارينى،
پول دان يا باتون دا.
يول كناريندا اينتظار چكديخلرينى،
بير بيرلرينه نجور تله قوردوخلارينى،
اوميدله،
قويدوخلارى قرارلارى،
نجور بير-بيربيرلرين آسديقلارينى،
نجور سئويشيرلر،
آله گتيرديخلرى غنيمت لرى سانوودوقلارينى
نجور يئه رلر،
بونلارى گورسه درم.
بير-بيرلرين نجور چاغيرالار،
من يازارام
او شى لرى كى آنا اوشاقينا دئير
او دستورلارى كى ايش صاحابى ايشچيه وئرير
يالواران و زوراكيليخ واژه لرى
آنلاشيلميان
يالان، آغيلا باتميان،
خوشا گلن و آغيرلى كلمه لرى
بونلارين هاميسين من يازارام.
من آغير ياغان قارلارى گوردوم
و گلن زلزله لرى
يولارى باغلايان داغلارى گوردوم
و عصيان ائليه ن چاى لارى
اما آغير قارين باشيندا پاپاغى وار
و زلزله نين جيبلرينده پول
و داغلارى اينسانلار دوزلديبلر
و عاصى چاى لار، گوزلتجيلره فرمان وئريلر
بونلارين هاميسيندان من پرده گوتورورم.
گوردوكلريمى گوسترمك ايچون
كئچميش تاريخى آراشديريرام
فرقلى ميلتلرين حيات طرزلرينى اورگه نيرم
درام لارى ديقتله اوخويورام
اوراجاق كى گوجوم وار
اونلارين دويغولارين اورگشيب و خاطيرلايرام.
مثلا
دونيا اونلارين قولوغوندا اولان وارلى لار
تا كى اونلار داها وارلانسينلار،
بويوك ارباب لارين نقشينى اورگنميشم
انگليس نمونه لريندن.
اخلاقلى اولماغى اسپانيولاردان
عاطيفه لى اولمانى هيندلى لردن
چينلى لردن، عائله قورماقى
و مينلر جوره اينسان لارين سرنوشتين آراشديرميشام.
منيم زمانيمدا
شهرلر و ائولرين تصويرى او قدر هيزلا دئيشير كى
باشقا بير شهره بنزيير
بير- ايكى آيليق گئديش دونوش.
مثلا
يوغون كيتله لرين
بير قيسا زاماندا
حيات طرزلرينين دئيشمه غين گوردوم،
ايشچى لر فابريكايا گيرديخلرينده
بير اوجا قاپى دان ايچرى گيره لر
اما ديشارى چيخاندا
گره ك باشلارين اَييب چيخسينلار،

او زامان اوز- اوزومه دئديم كى
هر زامان هر شى دئيشير
و فقط اوز زامانيندا ثابيت دير
بوجور اولدو كى هر منظره يه
اونا اوزل اولان نشانه لر باغيشلاديم
هر فابريكا ديوارينا،
هر ائوه،
اوزونه اوزل اولان بير نشانه وُردوم،
نجور كى هر چوبان، هر توخلويا اوزل بير نيشانه وُرور،
تاكى اونلارى تانيسين
تا شعار گيبى قالار اولسون
اينسان هر اولن بير شى يه بير نيشانه وُرور تا اولمز اولسون.

مثلا بير چاليشان قادين، چاليشديغى حالدا نجور اييليب بيلديريلرى(اعلاميه) اوخويور،
يا نجور كى سيفته باز آغالار
موحاسيبه جيلرينه ايشاره نن آنلارديرلار،
اونلارين كئچيجى اولدوق لارين و يازيلديقلارى ايللرين بليرله ميشم،
اما هر هر شى يه حيرت قاتميشام
حتى  گوره بيلديخ لريميزى
بو كى نه جور دوشلرين اوشاغين آغزينا قويور
بير آنا،
اونواويله يازميشام كى كيمسه اينانماز!
نجور بير قاپيجى، قاپينى
سويوخ دان دونموشون اوزرينه قاپادير،
اويله كى كيمسه گورمويوب
من بونلارى يازميشام.


هاليوود.

گونلرين آرخاسيندان،هر صاباح بازارا گئديرم
اورادا كى يالان ساتيرلار
و اوميدله
ساتانلارين سيراسيندا يئرله شيرم .



سئوديغيم له گئتمَك ايسترم.

سئوديغيم له گئتمَك ايسترم،
اونون باهاسيناان حئسابلاماق ايسته ميرم،
اونون ياخچى اؤلدوغون دوشنمك ايسته ميرم،
حتى او منى سِئوير يا يوخ، بيلمك ايسته ميرم،
اوزوم سئوديغيم له گئتمَك ايسترم.


من ايسكندره قارشى بير شى دئمك ايسته ميرم.

بويودوم كى تيمور،
يئر كورسن توتماق ايچون، اوزونو زحمته سالميش،
اونو هئچ آنلاميرام،
بير قدح آغير ايچكى له، يئر كوره سين اونودا بيلرسن.
من ايسكندره قارشى بير سوز دئميرم،
ساده جه گورورم خالقين ياداشيندادير،
و بونا گوره هر زامان جانلى گورسه نير،
ندن كى يادلاردا، يوكسك سايغى يا صاحيب دير.
بويوك كيشى، بويوك تاتلي ليقلّبا ياردا بيلر،
بير قدح ايچگى، بير سيگارا،
و بير روح باغشيلايان قادين يانيندا اوتوروب،
او تك اوزو ايچون ياشاماز،
گوردوخ لريم بونو تصديق ائلير.

برتولت برشت دن ترجمه/ قهرمان قنبرى.













No comments: