Sep 27, 2015

بوراخین دای منیم اوچون تامامیله اؤلسون

لویی آراگون  ناظیم حیکمت اوچون


 
ناظیم حیکمتین
۳ اییون (‍‍ژوئن) ۱۹۶۳-جو ایلده اؤلومو اوزه‌رینه فرانسیز شاعیری لویی آراگون اوچ گون سونرا بو سطیرلری قلمه آلیر…:
«یوخ، یازا بیلمیرم، ایندی اولماز، خواهیش ائدیرم. بوراخین منیم اوچون تامامیله اؤلسون. یوخسا، داها اؤنجه،
۶۰ یاشینداکی بو جاوان، بو ساریشین اؤکوز، نه دوستاغین، نه خسته‌لیین، نه یاشین ائتکیله‌یه بیلدییی بو اینسان ایچیمده تپ‌تزه یاشادیقجا هئچ بیر شئی یازا بیلمیرم. ایندی اولماز. داها سونرا، سؤز وئریرم سیزه یازاجاغام. حتتا، بو ژورنالدا، داها باشقا بیر قونو اوزه‌رینده، اؤلوموندن یوخ، یاشامیندان دانیشاجاغام. Pentecote yortuسو اوچون صحیفه  دوزومونه گئدرکن شنبه سحری، ساتین آلدیغیم “زنامیا” ژورنالی‌نین سون سایینی دا آپارمیشدیم. ژورنالدا ناظیمین، “Les Romantiques” “رومانتیکلر” آدلی رومانی‌نین سون بؤلومو واردی. یورتو اثناسیندا هر کس اونون دئییل پاپا ۲۳ ژوئن اؤلومونو گؤزله‌ییردی هر ساعات رادیولاری‌نین باشیندا و بازار ائرته‌سی سحر چاغی هله یاشاییردی. ناظیمه گلینجه، هئچ بیر شئی بیزی خبردار ائتمه‌میشدی. جان وئرمه‌دی. بئله آیاقدا بیر نردیوانی چیخارکن غفلتن اؤلدو. یاشایارکن اؤلدو. بیر آغاج کیمی آشدی. بوراخین دای منیم اوچون تامامیله اؤلسون. او زامان یازارام ژورنالینیزا اوزون اوزون. منیم اوچون، باشقالاری اوچون، نه آنلام داشیدیغینی بورادا یازارام. بلکه گلن آی، یازا قدر ایجازه وئرین منه. اییولا قدر ایجازه وئرین. بوندان ۱۸ ایل اؤنجه دوستاقدا بؤیوک تورک سوفیسی مؤولانا جلال الدین یا دا ایرانلی عمرخیام کیمی روباعی فورماسیندا یازدیغی بو دؤرد میصراع بیر کاهین اولماقدان چیخدیقلارینی آنلاداجاق قدر واخت وئرین منه.
فاصیله ”  – دئیه جک بیزه بیر گون طبیعت آنامیز،-
گولمک، آغلاماق بیتدی یاوروم
و تکرار اوجسوز-بوجاقسیز باشلایاجاق ” :
گؤرمه‌ین، دانیشمایان، دوشونمه ین حیات… ”
یورتو”نون بازار ائرته‌سی گونو، سحرین چؤکوشوندن بیر ایکی ساعات سونرا، تئلئفون. ناظیم. ائی اؤلوم، ایندیکی واختدا نه ده سورعتلی گئدیرسن! ایکی ساعات بئله کئچمه‌دن بوتون آوروپانی کئچمیش منی آختارمیش “یوئلینئس”لرین ائوینده تاپمیش، اوره‌ییمی ایشله‌میشدین. ائی اؤلوم. تئلئفوندا گلن، گؤرونمه‌ین، دوشونولمه‌ین، داها بیر سؤزدن، بیر آددان باشقا بیر شئی اولمایان اؤلوم و یوخ دئییرم. ناظیم اولماز. بعلی. او ناظیم… تا اؤزو، باشقاسی دئییل. بوتون اینسانلار کیمی او دا. و شعرینده‌کی‌لردن بیر اوشاغی آنسیدیم:
رجب دامدان دوشر کیمی قاریشییدی سؤزه :
حربه گیردیین زامان، بیر گاوور (غئیری-مسلمان) اؤلدوروب
بیر قورتوم ایچرسنسه قانینی
قورخو قالمازمیش. ”
من اونون قانیندان بیر داملا ایچمه‌یه‌جه‌یم. دانیشمایان… اوجسوز-بوجاقسیز یاشام… ناظیم، سندن منه ایلک
۱۹۳۴′ده دانیشدیلار، سن دوستاقدایدین، او زامان بیر شئیلر یازا بیلدیم. دوستلوغوموز ۳۰ ایل داوام ائتمه‌یه‌جکدی. نه قدر آز، ۳۰ ایل. ۱۹۵۰′ده، بیزلر، یعنی تورک خالقی، دونیانین هر کونجونده کی  شاعیرلر سنی دوستاقدان قورتاردیغیمیز زامان، بیر ۱۴ اییول گونو دوم‌دوز حیاتین ایچینه دالدیم. آمما بو ایل، صبیرسیزلییندن، اییولو گؤزله‌یه بیلمه‌دین… دوستاقدان آزاد ۱۳ ایل، یا دا بونا یاخین بیر شئی، قیرخ‌سککیزیندن آلتمیش‌بیرینه قدر، گؤزل بیر حیات بو. ۱۳ ایل، چوخ شئی. دوستاقدان ائشیکده اؤلدون سن. بو دا چوخ شئی. چونکی اؤلدون. بو فیکیره آلیشدیراجاغیق اؤزوموزو. اینسان منظره‌لرینی سنسیز خیال ائتمه‌یه چالیشاجاغیق… سنین دئییمینله، منظره‌نی بو آغاج اولمادان خیال ائتمه‌یه چالیشاجاغیق. اوجسوز-بوجاقسیز حیاتی… ”
۶ اییون ۱۹۶۳
تورکجه‌یه چئویرن : بئرتان اوناران
دیلیمیزه اویغونلاشدیران: همت شهبازی


ایشیق سیته سیندن
 

No comments: