Jun 25, 2017

یارپاقلار تؤكولنده

ذولفقار کمالی

كؤنلوم ده بیر تیتره ییش
یارپاقلار تؤكولنده
الوداع ای سون باخیش
یارپاقلار تؤكولنده

آرزیلاریم داش اولدو
تورپاغا یولداش اولدو
گوزلریم یاشا دولدو
یارپاقلار تؤكولنده

اینجه خیاللاریمدا
گول قالیب اللریمده
باغلاندی یوللاریمدا
یارپاقلار تؤكولنده

ساپ ساری زعفران تك
سولدو الوان گول چیچك
آغاجلار نئیله یه جك ؟
یارپاقلار تؤكولنده.

No comments: