Dec 8, 2014

کولگه لر

دنیز ایشچی

کولگه لر قارانلیخ، کولگه لر ایشیخ
 
 گئجه لر اوزوندور، گئجه لر قارا
 
قارانلیخ سالدیران ، اوز ائوی ایشیخ
 
ایشیخ لار سالدیراخ، قارانلیخلارا
 
گئجه قوش لاریدیر، قارانلیخ سئون

کولگه سالدیریللار ایشیخلیخلارا

یانار بیر چیراغام  ، ائشیخ لیخ سئون

انسانی دانانلار قلب لری قارا

 

کولگه لر سئوگی دیر، کولگه لر بولاق

بولاق لی کونلومون ایچیدیر یارا

کولگه لر باهاردیر، کولگه لر چیراق

ائشیق سالدیریب لار قارانلیخ لارا

 

بویاخلی قورشاخ لار، قارلی بولاخ لار

 قورشاق لار دولاشیر، ایلدیریملارا

کولگه لر دولاشیخ، الوان بویاخ لار

مسکن اول کولگه لر، قارلی قیش لارا

 

انسان ائولادینا عشق آماجیم وار

آزادلیخ ایستیرم من انسان لارا

ایچیمده قاینایان فیرتانالار وار

الو لار سالدیرار قارانلیق لارا

 

کولگه لر بولوت لار، کولگه لر چایلار

داملا  آشارلارا   گوی  بولوت لارا

کولگه لر اورمان لار، کولگه لر داغلار

داغلار چوبان لارا، نفس جان لارا

 

عالمده  وارلیخلار باغلی یاناشیر

 کائنات لار الوان، نور  وارلیخ لارا

کولگه لر نورلارلا   گویده بولاشیر

سولار  دنیز لره،  جان  انسان لارا

 

قارانلیخدا قالماز اودلار اولکه سی

خزر  داغلارینین دوش لری یارا

جوشقون محبتی سوگی کولگه سی

انسانلار بیر بیره، بیز انسان لارا

 

ائشیخ لار سالارام گوزلر قاماشسین

الو لار سالارام  قارانلیخلارا

دالغالار سالارام  چایلار دولاشسین

دنیزلر   گونش لر    کائناتلارا

No comments: