لاله جوانشیر
آرامیزدان بیر اولدوز اولوب آخان مهربانیمیز مهری شریعتی–نی آناراق
سئوگیلی غلامحسین فرنود جنابلارینا سونولور
باش بارماغیمدی گیزیلدیر
اللریم، اوره ییم.
گؤزلریم بوشالیر یوخلوغوندا، بوم بوش
شراب دا داها اولدوغو قدر قیرمیزی دئییل.
سن سیزلیک کوچه ده بوینونو بوکور
آی سیز بیر گئجه نین دانی آغاریر قوربتیمده
و ایلیق بیر حسرت
یاغمایان یاغیشلار کیمی دومانلانیر گؤزلریمده.
دنیز دالغالی، من دالغین...
او گؤرونمز داغلاری منم آشان، هر آخشام قوشلارین قانادیندا
خبرین یوخ.
هر گئجه فتح اولونور قالالاریم یوخلوغوندا
هر گئجه، دمیر داغی اریدیرَم گؤزوم،
گیزیلدیر اللریم تیتره ک سسینده.
No comments:
Post a Comment