آذربایجان

علی داشقین

کیپریگم، اوجومدا یاش داملالاری

یاپراقدا شئه کیمی، اینجیدن آری
سئل اولوب آخیرلار اوزومه ساری
قالمیشام قاش ایله گؤز آراسیندا...

بیر چایام، کسیلمز گئچریم منیم

بیر گوزم، سايسیزدیر کؤچریم منیم

اود توتوب یانسا دا ایچریم منیم

گزه‌ر‌م دیللری سؤز آراسیندا...

آلیشیب یانماغی اؤگردیب آنام

اولارمی آنامی اونودوب دانام؟

باشقا سؤز دئگیلم، آذربایجانام

توستوسوز یانیرام کؤز آراسیندا...

Əli Daşqın

Azərbaycan

Kipriyəm, ucumda yaş damlalari

Yapraqda şeh kimi, incidən ari

Sel olub axirlar üzümə sari

Qalmişam qaş ilə göz arasinda...

Bir çayam, kəsilməz geçərim mənim

Bir güzəm, saysizdir köçərim mənim

Od tutub yansa da içərim mənim

Gəzərəm dilləri söz arasinda...

Alışıb yanmağı öyrədib anam

Olarmı anamı unudub danam?

Başqa söz deyiləm, Azərbaycanam

Tüstüsüz yaniram köz arasinda...