دنیز ایشچی
قلم لر یارالی، جان لار یارالی
بایقوش لار هایقریب بیلدیرچینلره
قونچا دان قان آخیر گوللر یارالی
بولوت لارآغلایر بیزیم گونلره
جان لاردان قان آخیر الده کیتابلار
سینمیش قلمدن قان، آخدی یئرلره
سینیخلار الده دیر گولور دوداخلار
مین قلم دوغولدو قالخدی گویلره
قارانلیخ چادر دان
گئجه قوشلاری
قارانلیخ گئتیرمیش گونش چاغلاری
یاندیریب یاخاریخ قارانلیخلاری
الولار سالاریخ گئجه
چاغلاری
"روسو" قبری یئرتیب باغیردی اوجا
انسان قارانلیغین قبرینی قازا
"ولتر" قالخدی گویه سسلندی اوجا
جان ویررم، قان ویررم تا قلم یازا
بیر سینیخ قلمدن مین قلم دوغار
بیر کتاب یانیلسا، مین کتاب چیخار
بیر آغیز باغلانسا مین لر باغیرار
سسس سسه وئریلسه قارانلیخ یانار
گیزلتمه سوزویون قوی آشکار اولسون
دوزگونلوغو دانان قلبی دار اولسون
باغیر اورک سوزون قولاخ کار اولسون
عریان اولسون سوزلر آیدینلیغ اولسون
بیر گون گلر سوزلر آشکار سویله نر
هر بیر سوزه حرمت، سون دئیر وئرر
سوزون کسمز انسان، آشکار سویله یر
سلاح لار یئرینه سوز حکوم وئرر
دنیز؛ سویله سوزون هر کس ائشیتسین
قلم آزاد یازسین، سوزلر دئیلسین
هرکس سوزون دئسین، هرکس ائشیتسین
سوز آلیب سوز وئریب انسان دوشونسون
No comments:
Post a Comment