ماتی میخاناسی
بیر عؤمر آمریکایی فیلمه باخاندان
سورا، هردم دییهرم کاش آدام بیرگون او فیلملرده گؤردوغو استانداردلاردا یاشایا
بیله. بوجور:
پاتختی میزین اوستونده دیجیتالی قیرمیزی رنگده شومارهلری اولان ساعات دودودود دودودود دییب منی یوخودان اویالدا. اویانام الیمی اوزالدام ساعاتین دویمهسین وورام سسی کسیله. دوروب تختین قیراغیندا اوتورام، اینیمده بیردانا فقط قره شورت اولا، قارنیم سیکس پک، بدن سوتول!
تختین
اوستونده آغ آپ آغ یورقان دؤشح اولا، بیزیم بو گوللی گوللی یورقان دؤشحلردن یوخ
ها. دورام
موستقیم گیرم حاماما.پاتختی میزین اوستونده دیجیتالی قیرمیزی رنگده شومارهلری اولان ساعات دودودود دودودود دییب منی یوخودان اویالدا. اویانام الیمی اوزالدام ساعاتین دویمهسین وورام سسی کسیله. دوروب تختین قیراغیندا اوتورام، اینیمده بیردانا فقط قره شورت اولا، قارنیم سیکس پک، بدن سوتول!
اوزومه بیرآز تیراش ژلی وورام. ژیلتی گؤتورم باشلیام تیراشا. ژیلت ده لاپ ایتی وقتی، اوزده زویوب گئده، نه کی ۵۰۰ سئری ایشلتدیغیم ژیلت کی چهدیخجان اوزومون نکوارینا هولا قوشا. تیراشدان سورا حولهنی گؤتورم اوزومده کف اولا اولا سیلم گئتسین! اوغلان من بوگون بوردا بو ایشی گؤرسم، او حوله میندار ساییلار، یا گرح آتاخ زیبیل قابینا یا دا بیر درجه تخفیفینن حولهنین آدی اولار جیندا فقط در دووار سیلماغا ایشلهنر! سورا دوش توتام چیخام.
اوتاقدا ایشقابی آچام، ایچینده ردیفینن دوزولموش کت شالوارلار بیر طرفده، اوتولی قوطو کیمی کؤینحلر بیر طرفده، رنگ به رنگ کراواتلار بیر طرفده. پالتارلاریمی گؤتورم گییهم: قره کت شالوار، آغ کؤینح. کراواتیمی گؤتورم اوتاقدان چیخام. ائو دوبلکس، کراواتیمی باغلیا باغلیا پیلهلردن یئنم اشاغا. بو اؤزو بؤیوح بیر هونردی ها، چون ایندی آیدان ایلدن بیر تویدا زاتدا ایستهسم کراوات باغلیام، ۵ نفرده منه گرح کؤمح گله آخیرده بیر ایری بویروخ کراوات باغلیا بیلم.
خانیم اشاغا طبقهده میزین اوستونده صوبحانهنی دؤشهمیش اولا. گوله گوله دییه قودمورنینگ مایک! اوشاخدا مدرسه پالتارلارین گییب صوبحانهسین ییه ییه دییه: های ددی! من گئچم اوزوندن اؤپم. صوبحانه میزیندن، او بئله یئمهلی آراسیندان الیمی آتام پورتاغال سویون گؤتورم بیر قورتوم ایچم قویام میزین اوستونه دییهم: آی ام لئیت! خانیم کیفیمی گتیره، قاپی آغزیندا منی اؤپه بای بای ائلیهم چیخام ائودن.
ائشیهده هر یئر چمن، ائوین دؤرد دؤرهسی شمشادلار هامیسی بیر بویدا، قونشونون قیزی ایتین چیخاردیب دولاندیرماغا، اوننان بیر میرتلاشام، سورا ایتین ناز ائلیهم، ایت ده منه هاپ هاپ ائلیه، سورا قویروغون اوینادا، او طرفدن بیردانا اوغلان دوچرخه اوستونده گله روزنامه گتیره، اونودا آلام اوخویا اوخویا آتیلام شاسی بلند ماشینیما و آسفالتی شوشه کیمی صاف اولان، هر یئری اوجا بویلو آغاجلارینان دولو اولان خیاواندا یاواش یاواش صحنهدن چیخام!
No comments:
Post a Comment