ذولفقار کمالی
قلینجلار سونگولر، توپلار گول له لر
بیزیم قلبیمیزده ایز سالیب كئچیب
انسانین باشینا گؤر گلیب نه لر
دمیرده, انسانین قانیندان ایچب
آیاغی قاندال لار, قولو زنجیرلر
پاس آتمیش دمیرلر دوغرویوب بیچیب
هله ایندیه تك آنجاق فلاكت
بیزیم ائل اوبانی اؤزونه سچیب
سوسمایب قلمیم سوسمائیب دیلیم
یانیر هله منیم الهام اوجاغیم
باشمین اوستونو آلسادا دومان
گونشدن آسیلیر ظفر بایراغیم
آسیا ،آفریقا تورپاغیندایام
انسیت تاپمیشام بومبا سسیله
من كی آزادلیغین سوراغیندایام
خوشام, گله جگین شاد مژده سیله
قوی آلوو تؤكولسون نفسیمیزدن
اریسین داغلارین شاختالی قاری
آچیلسین قونچالار آچیلسین گول لر
قاپیمیز آچیلیر گونشه ساری.
No comments:
Post a Comment