ذولفقار کمالی
ائللر
دئییردی تبریزی
کؤینک گئیمیشدی قیرمیزی
آذربایجانیمین اؤزو
ظولمدن قورتارسین بیزی
بهمنین ییرمی دوققوزو.
کؤینک گئیمیشدی قیرمیزی
آذربایجانیمین اؤزو
ظولمدن قورتارسین بیزی
بهمنین ییرمی دوققوزو.
ائل اله آلدی چوماغی،
تیتره‌دی قورخودان یاغی،
گؤرن‌تک بره‌لدی گؤزو،
بهمنین ییرمی دوققوزو.
سسلندی
آزادلیق آدی
ایگیدلر قوردو بوساطی
داماقلاردا قالدی دادی
جوشغویا گتدی تبریزی
بهمنین ییرمی دوققوزو.
ایگیدلر قوردو بوساطی
داماقلاردا قالدی دادی
جوشغویا گتدی تبریزی
بهمنین ییرمی دوققوزو.
هامی کی
وئردی ال- اله
دربارا دوشدو ولوله
کندلی‌لرده گلدی دیله
سؤیله‌دیلر وور دینسیزی
بهمنین ییرمی دوققوزو.
دربارا دوشدو ولوله
کندلی‌لرده گلدی دیله
سؤیله‌دیلر وور دینسیزی
بهمنین ییرمی دوققوزو.
دئدیلر
گلدی ستارخان
نظمیه چکدی ال- امان
لئچک اؤرتموشدو پاسبان
دؤلتین عرضه‌سیز قیزی
بهمنین ییرمی دوققوزو.
نظمیه چکدی ال- امان
لئچک اؤرتموشدو پاسبان
دؤلتین عرضه‌سیز قیزی
بهمنین ییرمی دوققوزو.
بارینج
کندی یئریدی ائل
آلمیشدی اله قازما، بئل
حیرصی داشیردی مثل سئل
قوی دوشمانین چیخسین گؤزو
بهمنین ییرمی دوققوزو.
آلمیشدی اله قازما، بئل
حیرصی داشیردی مثل سئل
قوی دوشمانین چیخسین گؤزو
بهمنین ییرمی دوققوزو.
اود توتدو
بانک صادرات
یاندی تؤکولدو هر بیر زاد
شیشه و تابلو قات با قات
دولدو خیاوانین دوزو
بهمنین ییرمی دوققوزو.
یاندی تؤکولدو هر بیر زاد
شیشه و تابلو قات با قات
دولدو خیاوانین دوزو
بهمنین ییرمی دوققوزو.
بابک
بابامبز اویانیب
ووقارلی داغ تک دایانیب
آذربایجانا گووه‌نیب
سئویندی آغ اولدو اوزو
بهمنین ییرمی دوققوزو.
ووقارلی داغ تک دایانیب
آذربایجانا گووه‌نیب
سئویندی آغ اولدو اوزو
بهمنین ییرمی دوققوزو.
دئییش‌لر
یالاندی یالان،
خارجه‌لی دئییل اینان
تبریزلی‌یدی کی قویدو جان
وطنین اوغروندا اؤزو،
بهمنین ییرمی دوققوزو.
خارجه‌لی دئییل اینان
تبریزلی‌یدی کی قویدو جان
وطنین اوغروندا اؤزو،
بهمنین ییرمی دوققوزو.
جام
سیندیران غلامعلی،
اروجعلی‌له پنجعلی-
هاردان اولدو خارجه‌لی؟
تبریزلی اؤزویدو، اؤزو
بهمنین ییرمی دوققوزو.
اروجعلی‌له پنجعلی-
هاردان اولدو خارجه‌لی؟
تبریزلی اؤزویدو، اؤزو
بهمنین ییرمی دوققوزو.
دئیین
یاتانلار اویانا
ظولم الیندن گلدیک جانا
ظالیمی بویادیق قانا
قوی هامی بیلسین بو سؤزو
بهمنین ییرمی دوققوزو.
ظولم الیندن گلدیک جانا
ظالیمی بویادیق قانا
قوی هامی بیلسین بو سؤزو
بهمنین ییرمی دوققوزو.
دئییرلر
کی پوللولاری
باندیردیلار هر نه واری
آغلاتدیلار اوستانداری
گؤز یاشی گولدوردو بیزی
بهمنین ییرمی دوققوزو.
باندیردیلار هر نه واری
آغلاتدیلار اوستانداری
گؤز یاشی گولدوردو بیزی
بهمنین ییرمی دوققوزو.
گولله سسی
گورولدادی
دئولر کیمی نریلده‌دی
میللت باخیب گولومسه‌دی
دیش قیجیرتدی قوردا قوزو
بهمنین ییرمی دوققوزو.
دئولر کیمی نریلده‌دی
میللت باخیب گولومسه‌دی
دیش قیجیرتدی قوردا قوزو
بهمنین ییرمی دوققوزو.
گولله
آخدی دوزوم- دوزوم
میللتی قورخوتماق اوچون
دوشمان بیلدی ائلین گوجون
فاتلانیب سست اولدو دیزی
بهمنین ییرمی دوققوزو.
میللتی قورخوتماق اوچون
دوشمان بیلدی ائلین گوجون
فاتلانیب سست اولدو دیزی
بهمنین ییرمی دوققوزو.
آذرین اؤز
قهرمانی
چکیب یاخینا زامانی
روشن ائدیبدیر جاهانی
ایشیقلی پارلاق اولدوزو
بهمنین ییرمی دوققوزو.
چکیب یاخینا زامانی
روشن ائدیبدیر جاهانی
ایشیقلی پارلاق اولدوزو
بهمنین ییرمی دوققوزو.
دایانما
دوغرولدو زامان
ظالیمه وئرمه‌یین آمان
خائنه ولوله سالان
بو میللتین اوره‌ک سؤزو
بهمنین ییرمی دوققوزو.
ظالیمه وئرمه‌یین آمان
خائنه ولوله سالان
بو میللتین اوره‌ک سؤزو
بهمنین ییرمی دوققوزو.
تبریز بهمن
۱۳۵۶
No comments:
Post a Comment