Sep 19, 2015

پول بیر عجیبه شئی‌دیر

حمید آرش آزاد

 
جیب بوش، قوناق گلیبدیر اون‌بئش نفر ناهارا
«
دردا، که رازِ پنهان، خواهد شد آشکارا»
لیقوان پنیری، بیرده خوی یاغینی گؤرنده
«
دل می‌رود ز دستم، صاحبدلان! خدا را
دوست- آشنادان اوچ آی‌دیر، گیزلنمیشم، گل، ای پول
«
باشد که باز بینم دیدارِ آشنا را»
تیرلنمیشم آجیمدان، آرواد دئییر: پیانسان
«
هاتِ الصبوحَ هُبّوا یا ایّهاالسکاری»
بیر حاله قالمیشیق‌کی، بیر چؤمچه یاغ، بیرآز قند
«
اشهی لنا و احلی مِن قُبلـ‍هِ‌العذاری»
قوربانینام، رئیس‌جان! گل، بیر یاغ ائیله اعلان
«
روزی تفقَدی کن درویشِ بی‌نوا را»
علمی بوراخ، بیر آزجا سیرتیق‌لیق اؤیرن، اوغلوم
«
کاین کیمیایِ هستی، قارون کند گدا را»
آت رادیونو کناره، آل بیر خبرچی آرواد
«
تا بر تو عرضه دارد احوالِ مِلکِ دارا»
باشماق تایی الینده، جلاّد‌کیمی دایانمیش
«
دلبر، که در کفِ او، موم است سنگِ خارا»
بئش‌گون ریاستینده، اینجیتمه‌ خلقی، دوستوم
«
نیکی به جایِ یاران، فرصت شمار، یارا
چون یوخ قولومدا قُوّت، قورخومدان ائیله‌رم من
«
با دوستان، مُرّوت، با دشمنان، مدارا»
پول بیر عجیبه شئی‌دیر، بیر آزجا اولسا جیبده
«
در رقص و حالت آرد صوفیِّ پارسا را»
بیر یاغ ساتیرلار ایندی، آغ توکلری قارالدیر
«
ساقی! بشارتی‌ده پیرانِ باصفا را»
ات- یاغ‌کی یوخدو ائوده، دادسیز اولور غذامیز
«
گر تو نمی‌پسندی، تغییر ده قضا را»
حافظ! منی باغیشلا، گر دوزسوز اولدو شعریم
«
ای شیخِ پاکدامن، معذور دار ما را»!

 
ایشیق سایتیندان

No comments:

Post a Comment