Jul 2, 2015

ایت

سعید فیوضات

۱

آغ باشیما
گؤیدن یاغان
قورولوق
گؤزلردن گؤیه یاغان یاغیش
گؤیه آخان گؤل‌لر
دان یئرینده
قوش‌لار دوشه‌لی
۲
ایت
آلا زینگیلده‌ین ایت
شیکایته گئدیر
تلوزیوندا آغ قارا ناخیش
هده بیچیر:
شهَرین خیاوان لاری
زینگیلده‌مه‌گین یئری دؤیور
بلدیه دوواریندا بیر بیلدیریش:
بازار اولسون
حؤرمتلی قاتیل
شیکایته گئدن آلا ایت
آدام لئشینه پولیس یئتیشیر
ایت دفترینده ده آدین یوخ سنین
گئتمه دور
آدین یامان
بو یئرلرده اکیلن شیکایت بیتمیر
یازی‌لار
پوزولور
سن الله نه اولار
گئتمه دور
آی اوبادا بئیمان
:
دئینلر، قورو شیردا(۱) آخیب گئتدیلر
گؤردوگون آغاج‌لاری کسدیلر
لئش آل وئرچی
اووچو
ووراندا سنی
منی آختارما
(
من او گؤزوندن آخان یاشام…….)
بئیمان
گل گئدک یاغیش دوعاسینا
سنی گودازا وئرسه بئله
آی شاخیر
(
داریخیرام سنین کیمی)
سن داریخیرسان منیم کیمی…..
(۱) شˆیر(شیر)ˆ= شلاله


سعید فیوضات

ishiq.net

No comments:

Post a Comment