دنیز ایشچی
یوخوما گلیرسن هر گئجه یاری
خیالین لا یاتیب اویقولانیرام
صاباح مندق قاباخ یوخوما گلیب
سنین حسرتینده قالدیغیم زامان
دئدیم بلکه بیر گون یولویون آزیب
کنده دونوب گلیب سیرانا چیخیب
بلکه بیزیم باغین سمتینه دونوب
گوللر دسته له یب گزدیغین زامان
اوشاق لیخ دورانین یادینا سالیب
قیزلارلا بیرلیخده خسترچین قوروب
خیال دنیاسینین ایچینه جوموب
بیزیم کوچه میزدن گئچدیغین زامان
بیلمیرم بلکه ده بیر چاخیش کیمی
یادا سالدین منی بیر ناخیش کیمی
اوو دان اوزاق قالان بیر مارال کیمی
زلفونون دامینه دوشدوغوم زامان
بیزیم ائلدن گئدیب بیزلری داندین
اوزگه لرین سئودین اصلینی داندین
بیر باخیش لا منیم قلبیمی
آلدین
بیر عومور حسرتین چکدیغیم زامان
نه اولار بیر دونوب اوشاق اولایدیخ
هیچ بویومیه یدیک اوشاق قالایدیخ
هر زامان بیر بیرله قونشو اولایدیخ
من سنی گیزلیخده سئودیغیم زامان
خیال دنیا سیندا سنین قارشیندا
اختیار یاشیمدا بورکوم باشیمدا
سالام وئردیغیمده بولاق باشیندا
گوره سن بو کیمدی دئدیغین زامان
آه یمین سسینه قایدیب گلیب
هیچ بیلمیر نه دندیر حیرت ده
قالیب
گوزلرین سئوداسی قلبیمی آلیب
بو حسرت له قالیب چالدیغیم زامان
دنیز 12-07-2017
No comments:
Post a Comment