ینی ایلینیز اوغورلو اولسون


Mar 23, 2017

یالان دونیا

ذولفقار کمالی

سنه چوخ دئدیلر یالان دونیا
سن یالان دئییلسن ازه لی دونیا
دونیالار دوردوقجا قالان دونیاسان
بوتون گؤزه للرین گؤزه لی دونیا

گؤزومو آچاندا بو جهانه من
سووموشدون باشیندان مین زمانه سن
كیمسه قوناق اولسا سنه اوركدن
چكرسن نازینی غمزه لی دونیا


سنده توی گؤردوم, گؤردوم ده ماتم
اؤزون بیر عالمسن عشقین مین عالم
وجودوم اود توتوب یانار دمادم
گؤزلریم گؤزونو سوزه لی دونیا

هر كس اؤز ظنیجه سنی یوخلاییر
كیمی آییق گزیر كیمی یوخلاییر
كیمسه اؤز بختینی قوووب حاخلاییر
كیمی دیلدن دوشوب سوزالی دونیا

بعضا اوینادیرسان بیر اوشاق كیمی
سونرا سیندیریر سان مغرور ار كیمی
هردن ده باشیمدان قاپیب بؤركومی
مین اویون آچیرسان مزه لی دونیا

عؤمور سعادته سونسوز بیر جادا
دونیا دنیزدیرسه عؤمور بیر آدا
هرشئی دونیانیندیر حتی دونیادا
ابدی یاشاییر ازه لی دونیا

قونچالار آچدیقجا اوجونو منه
گؤزومده اویناییر لعل ،دورـ دانه
منده بو قوشما ایله گلدیم میدانه
سن گوزه ل یازیرسان غزلی دونیا.

No comments:

Post a Comment