Mar 29, 2017

احبر آغا نه‌جور اولدی سیز ده آد یازدیردیز؟

مئیخانانیوز
احبر آغا نه‌جور اولدی سیز ده آد یازدیردیز؟

بسم ال ... [قرائت سوره بقره] واللاه حاژ جعور آغا اؤزو شاهیددی کی من گلمیردیم [حاژ جعور: یوووخ گلمیردی] محلله اوشاخلاری الچهمه‌دیلر، آند آمان وئردیلر، یالوار یاخار ائله‌دیلر، آخیرده یامان سالدیلار کی گرح شرکت ائلیه‌سن، من ده اؤزومه وظیفه بیلدیم بو شریف میللته خیدمت ائله‌ماخ اوچون گلم مئیدانا. دئدیم دوروم گلیم فرمانداری دا آد یازدیریم، بوردان دا گئدیرم دارایی‌دان یاغ دویو آلاجاغام توکانا. حاژ جعور آغانان دا خط واحید ده راست گلدوخ.
.
تبریز شهرینین نماینده‌سی اولماخ اوچون، اؤزوزو لایق گؤرورسوز؟
بلی بلی! باخ بیر بو کی من درد اهلیه‌م! من بو میللتین ایچیندن گلمیشم، نئچه ایللر توکانیمدا بو میللتین وارلیسین دا گؤرموشم یوخسولون دا. اوندان سورا دئسه‌ن هنرمند، من ۴ ایل ماتی میخاناسیندا نقش اوّل اوینامیشام، پس هنرمند ساییلارام. دئسه‌ن ورزیشکار، نئچه ایل‌لر توپ اوینامیشام، هله ایندی ده کی ایندی دی محلله ده هر کیمه دئسه‌ز احبر مارادونا منی بارماغینان گؤرسدر ... مدرک فوق لیسانس علوم سیاسی یوخومدی آما دانشگاه آزاد واحید واسمیشین رییسی اؤز موشتریمدی، دییب گل آد یازدیر مدرکیوی آل! اصلن بولاریین هامیسین بوشلا با! منیم نه‌ییم بوبیری آد یازدیرانلاردان اسگیهدی؟ یانی من مش ایسماییل پیتی‌پزجن ده یوخام؟ حاژ جعور سن دئنه! محلله ده منیم خاطیر حؤرمتیمی نه قدر ایسترلر؟
[حاژ جعور: چووخ، چوووخ! احبر آغا محلله‌ده بیردانادی]
.
احبر آغا برنامه‌لریز نمنه‌دی؟
اوّل آللاه فقط و فقط و فقط خیدمت! من بو میللتین انینه بویونا فقط خیدمت ائلیه‌جاغام. بیر بو کی میللتین بئلی باهالیخدان بوکولوب، باهالیخ گرح آرادان گئده. سورا اشتغال و تولید منیم برنامه‌لریمدن دی.
.
احبر آغا شورای شهردی ها!
اولسون دا نولار؟ منیم بولارین هامیسینا برنامه‌م وار، من دئدیغیمی ائلرم [حاژ جعور: بلی بلی! احبر آغا دئدیغین ائلر]
.
آیری سؤز صؤحبتیز اولسا بویرون.
من فقط دییرم: آی میللت! من اوبیریلره تای دییلم، من یئماخ اوچون گلمه‌میشم، منیم یاغیم وار، منیم قندیم وار، منی دؤهتور پهریز وئریب، من هئش ایسته‌سم ده ییه بیلمرم! رأی وئرمیین خال‌لی‌یا، رأی وئرمیین دوداخلاری بال‌لی‌یا، رأی وئرمیین ییب قاچانا، رأی وئرین اؤز احبر باققالیزا، خیدمت ائله‌سین سیزین انیزه بویوزا!

ماتی میخاناسین بورالاردان تاپین 👇🏻
Telegram:
🆔 @matimeyxanasiofficial
Instagram:
🌐 https://instagram.com/mati.meyxanasi

No comments: