ینی ایلینیز اوغورلو اولسون


Apr 3, 2016

قیسا شعرلر


پاشا موغانلی

(۱)

بو پاپاق
بو سن
بودا من!
گل دوز اولاق بو گوندن.
سن الیندن یاپیش
من اوره‌ییمدن...

(۲)
مثل دیر
بیر اوره‌ک، مین آرزی
آمما منده وار
بیر اوره‌ک
بیر دیلک!
گل ایکیمیز بیرلشک
بوی آت منده
بوی آت دوستوم
بویات دوستوم
(۳)
قیزمایاجاق او یاتاق!
سن
ایسته‌مه‌دین بوی آتاق…!
داها خوشدور
حایات سنسیز
ها
یات منسیز
(۴)
بو سونسوز حایاتدا
اؤلومدن یوخ
دؤنومدن قورخورام!
گل یاپیش الیمدن
بیر
ایکی
اوچ
اوچ
اوچ منیمله؛
اوچ
ایکی
بیر
بیتدی حیات
(۵)
درین سوکوتا باتمیش
قارانلیق اوتاقدا
ساغیش چکدیکیمیز گونه یئتدیک
سَس‌سیز سویوندوق؛
بیتیردیک !
من عسگرلیی
سن بیرلیگی
http://ishiq.net/

No comments:

Post a Comment