Dec 14, 2015

پروفسور «توفیق حاجی‌یئو» وفات ائتدی

ایشیق سایتی

آذربایجان ملی علملر آکادئمیاسی‌نین نسیمی آدینا دیلچیلیک اینستیتوتونون دیرئکتورو آکادئمیک توفیق اسماعیل اوغلو حاجی‌یئو بو گون گؤزله‌نیلمز قضا نتیجه‌سینده وفات ائتمیشدیر.
آذربایجان جومهوریسی‌نین ATV تلویزیا کانالی‌نین یایدیغی خبر اساسیندا پروفسور توفیق حاجی‌یئو ۲۷ نویابر ۲۰۱۵-جی ایلده سحر ساعاتلاریندا یاشادیغی ائوین حامامیندا دم گازیندان زهرلنه‌رک حیاتینی ایتیرمیشدیر.
توفیق حاجی‌یئو ۱ مای ۱۹۳۶-جی ایلده جبراییل رایونونون سولطانلی کندینده آنادان اولوب.

سولطانلی کند اورتا مکتبینی بیتیریب. ۱۹۵۳-جو ایلده آذربایجان دولت اونیوئرسیته‌سینی فیلولوگییا فاکولته‌سینه قبول اولونوب، ۱۹۵۸-جی ایلده اورانی فرقلنمه دیپلومو ایله بیتیریب و دیلچیلیک اختصاصی اوزره آسپیرانتورایا قبول ائدیلیب. ۱۹۶۲-جی ایلین مارتیندا “آذربایجان دیلینین جبراییل شیوه‌سی” موضوعسوندا نامزدلیک، ۱۹۶۹-جو ایلده “ییرمی عصرین اوللرینده آذربایجان ادبی دیلی” موضوعسوندا دوکتورلوق تئزلرینی مودافیعه ائدیب.
پروفسور توفیق حاجی‌یئوین اساس اثرلری و ترجومه‌لریندن آشاغیداکیلارینی آد آپارماق اولار:
۱۹۷۵، ساتیرا دیلی
۱۹۷۶، آذربایجان ادبی دیلی تاریخی
۱۹۷۷، ییرمی عصرین اوللرینده آذربایجان ادبی دیلی
۱۹۷۹، یازیچی دیلی و ایده‌یا-بدیعی تحلیل
۱۹۸۰، صابر: قایناقلار و سلف‌لر
۱۹۸۳، آذربایجان دیلی تاریخی
۱۹۸۳، «ملانصرالدین»ین دیلی و اوسلوبو
۱۹۸۷، آذربایجان ادبی دیلی تاریخی، ۲-جی حیصه
۱۹۹۰، شعریمیز، نثریمیز، ادبی دیلیمیز
۱۹۹۲، آذربایجان دیلی
۱۹۹۴، فوضولی: دیل صنعتکارلیغی
۱۹۹۷، قیپچاق چؤلونون یووشانی
۱۹۹۹، دده قورقود: دیلیمیز، دوشونجه‌میز
۲۰۰۲، تورک دیل‌لری‌نین مقایسه‌لی تاریخی گرامماتیکاسی
۲۰۰۴، آذربایجان ادبیاتی تاریخی (۶ جیلدده)
۲۰۰۵، آذربایجان دیلی. ۱۰- جی صینیف درسلیگی
۲۰۰۵، آذربایجان دیلی. ۱۱- جی صینیف درسلیگی
۲۰۰۵، میکاییل باشتونون «شان قیزی داستانی» و پوئتیکاسی
۲۰۰۵، تورکلر و دونیا: گیزلی تاریخ (روسجادان ترجومه)
۲۰۰۸، سید احمد جمال‌الدین ابن محنا
اونون علمی یارادیجیلیغیندا “کتاب دده قورقود”لا باغلی تدقیقاتلار مهم یئر توتور. توفیق حاجی‌یئوین کامل ولی‌یئوله ۱۹۷۵-جی و ۱۹۷۶-جی ایللرده آذربایجان دولت اونیوئرسیته‌سینده اؤلکه سویه‌سینده تشکیل ائتدیکلری “دده قورقود” سمیناری آذربایجان قورقودشوناسلیغیندا بیر دیرچه‌لیش یاراتدی. “آذربایجان ادبی دیلی تاریخی” (۱۹۷۶) کیتابیندا “کتاب دده قورقود”داکی حادثه‌لرین، اوبرازلارین تاریخی، آبیده‌نین دیلی، پوئتیکاسی، ائتنوگرافیک خصوصیت‌لری حاقیندا گئنیش تحلیل وئریب


http://ishiq.net/?p=13909

No comments: